Тұрмыстық тауарларды өзіміз өндіре аламыз

  • 24.03.2020
  • Malim Админ

Бүгін Республикалық коммуникациялар орталығында Ақпарат және қоғамдық даму министрі Дәурен Абаев брифинг өткізді. Министрдің брифингте айтқан сөздерінен қысқаша тезистер ұсынамыз.

***

Қарапайым заттар экономикасының мәні неде? Оның мәні – біз күнделікті қолданатын заттардың барлығы өз елімізде жасалу керек.

Тамақ, киім, жиһаз, тұрмыстық химия деген сияқты тауарларды біз өзіміз өндіре аламыз. Бірақ тек өндіріп қоя салу жеткіліксіз. Ол тауарлар нарықта бәсекеге қабілетті, сапалы және қолжетімді болу керек.

Өз тауарымызды тұтыну арқылы біз болашағымызды қалыптастырамыз. Қазақстанда өндірілген затты сатып алып жатқан әрбір азамат білу керек – ол елдің келешегіне өз үлесін қосуда. Баршаңызды осыған шақырамын.

***

Кешегі Президенттің үндеуі – бұл көп жағдайда ел экономикасының тірегі болып саналатын жұмысшы мамандық иелеріне үндеу. Себебі салық төлейтін, қосымша құн беретін, сұранысты қамтамасыз ететін сіздер.

Бүгінде еліміздегі өңдеу және тау-кен өндірісі мекемелерінде 700 мың адам еңбек етеді.

Үкімет жүз пайыз жұмыспен қамту және өндіріс көлемін сақтау бойынша қажетті шараларды жасауда.

***

Мұнай-газ саласында 1355 компания жұмыс істейді, оларда 200 мыңнан астам адам қызмет жасайды.

Тіпті, мұнай баррелінің құны 25 доллар болса да, бұл компаниялар ағымдағы шығындарын жауып, қызметкерлерін жұмыспен толық қамтамасыз ете алады. Яғни, мемлекет табыс табуды емес, азаматтарын жұмыспен қамтамасыз етуге басымдық беріп отыр.

***

Бұл бізге коронавируспен күрескен елдердің тәжірибесін зерделеп, тиімді тұсын пайдалануға мүмкіндік берді. Сондықтан, Үкімет коронавируспен күресуге толықтай дайын.

Енгізілген төтенше жағдай мен карантин бизнеске теріс әсер етіп, экономикаға үлкен салмақ түсіретіні сөзсіз. Сондықтан, мемлекет өзінің әрбір азаматына қамқорлық көрсетеді. Бизнеске жәрдем береді. Алайда, вирусқа қарсы ең тиімді, ең күшті тәсіл бар. Ол – әр адамның оқшаулануы мен жеке бас тазалығын сақтауы. Сондықтан, өзіміз бен жақындарымыз үшін үйде болайық.

Байланысты жаналықтар

Тоқаевқа ашық хат: Іс жүзінде қолдау көріп отырған жоқпыз

22.09.2020

Әскери қайраткер Ким Серікбаев өмірден өтті

19.04.2021

Қытайдағы қазақстандықтар елге жеткізілді

13.02.2020

«Жыл соңына дейін ас бермеңдер»

25.07.2020

Ақтөбеде үш айлық сәбиден коронавирус анықталды

28.09.2020

Ішкі миграция: Жастарға ауылдан жұмыс тауып беруге болады

30.10.2020