Қазақстанда коронавирустан бір адам қайтыс болды

  • 26.03.2020
  • Malim Админ

Коронавирус жұқтырғандар арасында бір адам қайтыс болды. Бұл Қазақстандағы алғашқы жағдай. Бұл туралы Ақпарат және қоғамдық даму министрі Дәурен АБАЕВ мәлімдеді.

«Бүгін коронавирустан бір әйел адам – Қазақстан азаматы қайтыс болды. Бұл орны толмас өкініш, жақындары мен туыстарына көңіл айтамыз», - деді ол онлайн брифингте.

Абаев сондай-ақ бұл өлімнің нақты себебі туралы ертең денсаулық сақтау министрлігі нақты ақпарат беретінін жеткізді.

Бұдан сәл бұрынырақ елордадағы қоғамдық денсаулық сақтау басқармасы қалада тіркелген 61 адамның төртеуі ауыр жағдайда жатқанын хабарлаған.

«Бұл коронавирустың қауіпті екенін тағы бір көрсетіп отыр. Болып жатқан жағдайдың бәрі – бәріміз үшін сынақ», - деді Абаев.

Соңғы мәліметтерге сәйкес Қазақстанда 109 адам коронавирус жұқтырған, оның екеуі емделіп, жазылып шыққан.

Байланысты жаналықтар

Коронавирус: Бір күнде 4, бір аптада 21 адам көз жұмды

14.06.2020

Өскемендегі Гарант 24 Ломбард басшысы қамауға алынды

24.02.2020

Мемлекеттік хатшы Семейге келді

29.08.2020

Цойдың цифры шатастырады

03.08.2020

Президент: «Газ, су, электр қуаты үшін төлем тоқтатылады»

17.03.2020

Пневмониямен ауырып жатқандарға оттегі жетіспейді

09.07.2020