42 500-ді қайтарғың келсе – қайтар, қайтарғың келмесе – қайтарма

  • 20.04.2020
  • Malim Админ

Коронавирусқа қатысты жарияланған төтенше жағдай кезінде жұмысынан айрылған немесе табыссыз қалғандарға тағайындалған 42 500 теңгені қайтарғандар саны әлі белгісіз. Бұл туралы Еңбек және халықты әлеуметтік қорғау министрі Біржан НҰРЫМБЕТОВ айтты деп хабарлайды Malim.kz.

Онлай брифинг өткізген министр 42 500 теңгені кімдер қайтарады деген сұраққа да жауап берді. Бұған дейін 42 500 теңгені табысы мен жұмысы бола тұра алғандардың үстінен қылмыстық іс қозғалуы мүмкін деген дақпыртқа да жауап берді.

- 42 500 теңге жұмысынан айрылып, бір тиын табыссыз қалғанда төленеді. Егер сізге жұмысыңыз жалақыңыздың жартысын төлеп жүрсе сізге ешқандай көмек көрсетілмейді. Ал енді, оны қай уаққа дейін қайтарғыңыз келсе қайтаруға болады. Оның мерзімі жоқ. Қайтару деген тәртіп те жоқ. Егер сіз қателескеніңізді көріп тұрсаңыз, жағдайыңыз келгенде қайтарыңыз, қайтарғыңыз келмесе - қайтармаңыз.

Министр бұдан бөлек жекелеген азаматтардың мәселелеріне қатысты жауап берді. Соның ең бастысы 42 500  теңгені табысы бола тұра алғандар ешқандай жауапкершілікке тартылмайды. Өйткені, оның табысы болды ма, болған жоқ па, сақталды ма, сақталған жоқ па, «оны ешкім тексере алмайды».

- Біз қанша адам қайтарғанын білмейміз. Қазір негізінен тағайындаумен айналысып жатырмыз. 7 млн 900 мың адамнан өтініш түсті, мұның бәрін қарау керек, сол себепті, бұл жайлы ақпарат бере алмаймыз. Сондай-ақ заңгерлер тарапынан айтылатын түрлі кеңестерге де сене беруге болмайды. Олар өздерінің ұстанымдары тұрғысында сөйлейді. Олар ренжімесін, бірақ, «заңгер екеу болса, көзқарас үшеу болады» деген бар, сондықтан олар айтқан сөздерге қарай әрекет етуге болмайды. 42 500 теңге үшін ешқандай қылмыстық іс қозғалмайды», - деді карантин басталғалы елдің алдына жиі шығып, тәптіштей түсіндірумен аты шыққан министр.

Байланысты жаналықтар

Кімге қамқорлық: дәрігерге ме, бизнеске ме?

07.09.2020

Саяси қуғын-сүргін құрбандарын толық ақтайтын ғылыми бағдарлама әзірленді

09.04.2021

Балуан әкім жылу қашан береді?

16.10.2020

"Бекеңнің жүйкесі сыр бергенге ұқсайды. Шын жаным ашыды"

20.08.2020

Атырау облысы әкімінің бірінші орынбасары ұсталды

10.09.2020

2020 жылы үй бағасы өспейді

03.02.2020