Індеттегі фестиваль: Сағынтаевтың сөзін құлақтарына қыстырмапты

Malim Админ

  • 01.06.2020

Алматы қаласының әкімі Бақытжан Сағынтаев 1 шілдеге дейін қалада  көпшілік қатысатын іс-шаралар өтпейді десе де, әкімдіктің мәдениет басқармасы "Дәмді Алма-Ата" фестивалін ұйымдастыруға тендер жариялап, өтініштер қабылдап жатыр. Мемлекеттік сатып алулар порталына ілінген хабарламаның техникалық ерекшелік құжатында фестиваль жазда өтеді делінген. Әкімдік бұл қызметті өтпей қалған ашық конкурс нәтижесі бойынша бір көзден сатып алып, іс-шараға бюджеттің 34,5 миллион теңгесін жұмсамақ.

Алматы әкімдігі "Дәмді Алма-Ата" фестивалін ұйымдастыру бойынша байқауға өтініштерді 7 мамырға дейін қабылдады. Алайда ашық конкурс нәтижесі бойынша өтпей қалған тендер енді бір көзден сатып алынады. Хабарламада "Тайный Советник" ЖШС тендерге қатысуға шақырылған қызмет көрсетуші екені жазылған.

Техникалық ерекшелік құжатында "Дәмді Алма-Ата" фестивалі 2015 жылдан бері өткізіліп келе жатқан Қазақстандағы және Орта Азиядағы ең ірі отбасылық қалалық гастрономиялық іс-шара. Фестивальге бір күнде 30 мың адам қатысады деп жоспарлануда" делінген. Яғни 30 мың адам қатысатын іс-шарада түрлі тағам түрлері сатылмақ. Мәдениет басқармасы іс-шараға балалар келеді деп жоспарлап отыр. Өйткені құжатта фестиваль өтетін саябақта балалар ойындары мен мастер класстарға арналған аумақ және демалыс аумағы ұйымдастырылады делінген. Фестивальдің өзі Қазақ-Британ Техникалық университетінің жанындағы саябақта өтеді. "Фестивальде күні бойы музыка ойнайды: бас сахнада DJ болады, ал кешке атақты қазақстандық және шетелдік орындаушылар өнер көрсетеді.", - делінген құжатта.

Алматы қаласы мәдениет басқармасының мемлекеттік сатып алулар порталындағы хабарламасының техникалық ерекшелік құжаты

Тендерді ұтып алушыға мынандай талаптар қойылған:  Гастрономиялық фестивальді ұйымдастыруға рұқсат алу,  саябақ аумағына құрал-жабдық жеткізетін автокөліктердің еркін кіріп-шығуын қамтамасыз ету, іс-шараны өткізу және өткізген соң аумақты тазалау, өрт қауіпсіздігін қамтамасыз ету, т.б. Тендер жеңімпазына қойылатын талаптар тізілген техникалық ерекшелік құжатына мәдениет басқармасының басшысы Эрнар Құрмашев қол қойған.

Бас санитар Айжан Есмағамбетова мамыр айының аяғына дейін вирусты жұқтырғандар саны 4 мыңға жетеді деп болжаған. Ақпарат құралдарының өкілдерімен онлайн баспасөз мәслихатын өткізген Бақытжан Сағынтаев 1 шілдеге дейін қалада көпшілік қатысатын іс-шаралар мен мерекелер өтпейді деп мәлімдеген. Алайда әкімдіктің мәдениет басқарамасы Сағынтаевқа бағынбайтын сияқты.

 

МАҚАЛАНЫ КӨШІРІП БАСУҒА БОЛМАЙДЫ

Фото: Sputnik.kz

Байланысты жаналықтар

Коронавирус шыққан Қытай Қазақстанға көмектеспек

02.04.2020

Министр Цой дәрігер реабилитологтың видеосына пікір білдірді

05.07.2020

Коронавирус бардың малын шашады, жоқтың артын ашады - 1

31.03.2020

Пандемия: Рианна мен Мақпал тең бе?

24.05.2020

Екі адам коронавирустан айықты

25.03.2020

Вирустың жеңіл түрін жұқтырғандарды қалай емдейді?

21.06.2020
MalimBlocks
Коронавирус шыққан Қытай Қазақстанға көмектеспек

Министр Цой дәрігер реабилитологтың видеосына пікір білдірді

Коронавирус бардың малын шашады, жоқтың артын ашады - 1

Пандемия: Рианна мен Мақпал тең бе?

Екі адам коронавирустан айықты

Вирустың жеңіл түрін жұқтырғандарды қалай емдейді?