Шөкеев: "Бізге техника керек, Асқар Ұзақбайұлы"

Malim Админ

  • 05.05.2020

Бүгін Үкімет отырысында Түркістан облысының әкімі Өмірзақ Шөкеев Мақтаарал ауданында болған су апатына байланысты есеп беріп, Үкімет басшысынан көмек сұрады. Облыс әкімінің айтуынша, қазіргі кезде 3200 адам мектептерге орналасқан. Қалғандары туған-туыстарының үйінде. Қабылдау, эавкуациялық пунктер құрал-жабдықтармен қамтамасыз етіліпті. Қазіргі карантиндік жағдайды ескере отырып, 120 медициналық қызметкер көмек көрсетіп жатыр екен.

«Төтенше жағдай салдарынан 845 тұрғын үйді, үш балабақшаны, 4 медицина нысандарын, бес мектепті, бір мәдениет үйін, он дүкенді су басты. Жеңіс ауылындағы көпірді, облыстық, республикалық маңызы бар 54,010 шақырым жолды су басты. 7639 гектар егістік жерді су басты. Мал шығыны да бар. Оны қосымша есептеулерден кейін баяндаймыз. Ауданда қоғамдық тәртіпті, сақтау және су басқан үйлерді қорғау үшін 8 блок бекеті үйымдастырылып, 303 полиция қызметкері, 53 автокөлік жұмылдырылды.

Елді мекендерді  су алу қаупінен сақтау үшін бөгеттер салынып, Мырзакент аулына коллектор орнатылды. Бұдан бөлек Жетісай жақтан Бетпақдалаға айналып өтетін канал қазылды. Кеше Өзбекстанға барып, орталық коллекторды аралап шықтық. Қауіпті деген жерлерді көрдік. Қоғалы елдімекені жанындағы көпірді қарап, соның қасынан тағы канал қазуды ұйғарып, сол жұмыс жасалды.

Өзбекстан тарапынан мамандармен тығыз байланыстамыз. Жағдай тұрақтанған соң, олар өз техникасымен кіріп, бүкіл коллекторларды тазалауға көмектесетін болды. Шекарадан өткізсек болды.

Елдімекендердегі су жердің жағдайына байланысты ұзақ тұруы мүмкін. Өйткені жер асты сулары жақын. Сондықтан сол елдімекендердің айналасынан үлкен-үлкен арықтар мен орлар қазып, суды сонда ағызу үшін бізге техника керек, Асқар Ұзақбайұлы. Экология министрлігімен бірігіп, республиканың қай жерінде мүмкіншілік бар, сол жақтан мотопомпаларды, насостарды жұмылдырып, бірге кірісуіміз керек қой деп ойлаймын.

Су елдімекендерден кеткенен кейін былтырғы Арыстың тәжірибесі бойынша біз әр үйдің шығынын есептеп, ары қарай комиссиямен біріге отырып, зардапты қалай орнына келтіреміз, соны ақылдасуымыз керек.  Бұны есептеу қиын болады. Арыстағы тәжірибемізге сүйеніп, ол мүліктің шығынын жабу үшін, әр отбасыға белгілі сомманы белгілеу керек деп ойлаймын.

Одан бөлек 7 мың гектардан астам егістіктерге шығын келді. Соның бәрін қайтадан есептеп шығып, оны да өтеп беруге көмектесу керек ойлаймын», - деді Өмірзақ Шөкеев.

Байланысты жаналықтар

Әкім 160 миллиондық аялдамаларды неге аяп отыр?

25.11.2020

Қайрат Жаңабеков: Карантин кезінде ешкім жұмыстан заңсыз шықпау керек

23.04.2020

Өрт сөндірушілер сайысқа түсті

17.07.2021

Уәдесін орындамаған Цой отставкаға кете ме?

05.05.2021

Талдықорғанда студенттер үйі берілді

07.12.2020

Табиғатты акциясыз да қорғауымыз керек

17.04.2020
MalimBlocks
Әкім 160 миллиондық аялдамаларды неге аяп отыр?

Қайрат Жаңабеков: Карантин кезінде ешкім жұмыстан заңсыз шықпау керек

Өрт сөндірушілер сайысқа түсті

Уәдесін орындамаған Цой отставкаға кете ме?

Талдықорғанда студенттер үйі берілді

Табиғатты акциясыз да қорғауымыз керек