Тұрғымбаев Қасымовқа қарсы ма?

  • 15.05.2020
  • Malim Админ

Ішкі істер министрлігі "Қазақстан" санаторийінің бұрынғы президенті Қазбек СҰЛТАННЫҢ жұбайы Альмира СҰЛТАН тергеуге алынған күйеуінен мемлекеттік күзет қызметінің басшысы Қалмұхамед Қасымовқа қарсы куәлік беруге мәжбүрлеп жатқанын мәлімдеді.

"Бүкіл отбасымызға тергеу назары ауғанын білесіздер. Күйеуімді бірден қамауға алды. Ішкі істер министрі Е.Тұрғымбаевтың бұйрығымен тергеушілері - М.Сарбасов пен Б.Есмаханов күйеуімнен бұрынғы ішкі істер министрі Қалмұхамед Қасымов пен оның орынбасары Б.Бейсенқұловқа қарсы куәлік беруді талап еткенін білдім. Жедел тергеу тобының жетекшісі Б.Есмаханов төтенше жағдай мен карантин кезінде қылмыстық кодекстің нормаларын бұзып, адвокаттарға хабарламай, ЛА155/18 уақытша қамау абақтысында күйеуіммен сөйлесіп, психологиялық қысым көрсетіп, ұсыныс тастаған. Ол ұсыныстан күйеуім бас тартты, өйткені кінәсіз адамдарға жала жаба алмайды. Күйеуімді сегіз ай бойы уақытша қамау абақтасында ұстап отыр", - деп жазады Альмира Сұлтан Facebook әлеуметтік желісіндегі парақшасында.

Мамыр айының басында ішкі істер министрігі "Қазақстан" санаторийі бұрынғы директоры Қазбек Сұлтанның қызы да осы іс бойынша қамауға алынған. "Жақында 25 жастағы қызымызды да қамауға алды. Ол осы күнге дейін карантинде үйде отырған. Сегіз айдан кейін қызымыз істің тергелуіне кедергі келтіруі мүмкін дегені ақылға қонбайды", - деп жазады Альмира Сұлтан.

15 мамыр күні ішкі істер министрлігі Қазбек Сұлтанның 974 миллион теңге жымқырды деген күдік бойынша ұсталғанын хабарлаған. Бұл істің тергеліп жатқанына сегіз айға жуықтады.

Оқи отырыңыз: Генерал Қасымовтың ұлында қанша компания бар?

Байланысты жаналықтар

«Ашық жүрек» жобасы волонтерлердің басын қосады

04.09.2020

Әр ауылдың мәселесі «Nur Otan» партиясының назарында

23.12.2020

АҚШ басылымы: Путин Байденнің жеңісін ақыры мойындады

15.12.2020

Теректі сенімі  «Nur Otan» партиясында

08.01.2021

Өз еркімен кететін шенеунік: Экс-әкім енді экс-директор

19.05.2021

Заңсыздық па, әлде бассыздық па?

13.10.2020