Ассамблея: Қиын кезде ұлттық тұтастық керек

  • 18.05.2020
  • Malim Админ

Қазақстандағы этносаралық келісімді және халық бірлігін нығайту үшін еңбек ететін Қазақстан халқы Ассамблеясы пандемия кезінде де азаматтық қоғам институтының дамуы үшін аз еңбек етіп жатқан жоқ. Су астында қалған Түркістан облысындағы мақтаарлықтарға да жәрдемдерін беріп, ұлт тұтастығының көрінісін көрсетуде.

Жамбыл облысындағы Қазақстан халқы Ассамблеясының филиалы жәрдемге мұқтаж оңтүстіктегі халыққа өз қол ұштарын беріп жатыр. Өңірдегі орыс, түрік, күрді, шешен, неміс, өзбек, тәжік және әзірбайжан этномәдени бірлестіктері Мақтаарал ауданына құны 32 миллион теңге тұратын 32 тоннадан асатын азық-түлік, киім-кешек және тұрмысқа қажетті заттарды жүк көлігіне тиеп жөнелтті.

Бұл игі шараға басқа да қоғамдық ұйымдар, мецанаттар, кәсіпорындар ат салысты. Жәрдем керуенін аттандыруға Қазақстан халқы ассамблеясы жанындағы «Жаңғыру жолы» жастар қозғалысы елеулі жұмыс атқарды.

«Бізге қасиетті Әули ата жерінен көмек келді. Қиын кезде кез-келген адам қиналатыны белгілі. Алайда, жан-жақта жасалып жатқан көмекті көргенде еріксіз көзіңе жас аласың. Елдің барына қуанасың. Бұл біздің қоғамның бауырмалдығын, тұтастығын көрсетеді.», - дейді мақтааралдық тұрғын Жанпейіс ЫСҚАҚОВ.

Бұған дейін Жамбыл облысындағы Қордай ауданындағы «Вынхуа» мәдени орталығы 5 миллион теңгеге гуманитарлық көмек көрсеткен болатын. Олар 30 тонна тауар, сондай-ақ, 2,5 тонна ұн, 2,5 тонна қант, 1,5 тонна күріш және 5,3 тонна картоп берген. Мәдени орталық басшылары бұл тек қана қайрымдылық шарасы емес, ұлттық тұтастығымыздың белгісі дейді.

С. НАЗАРОВА

Фото: assembly.kz

 

 

Байланысты жаналықтар

Коронавирус қайта өршіп барады

23.10.2020

Бекшин: Төртінші толқын басталды

02.07.2021

Жергілікті өнімді қолдау керек

31.03.2021

"Вакцина салдырмағандарда ауру ауыр түрде өтеді"

22.07.2021

«Болванка» салығы не үшін қажет?

04.03.2020

Шөкеев: "Бізге техника керек, Асқар Ұзақбайұлы"

05.05.2020