Елжан Біртанов коронавирус жұқтырды

Malim Админ

  • 14.06.2020

Денсаулық сақтау министрі Елжан Біртанов коронавирус жұқтырды. Бұл туралы министр Facebook әлеуметтік желіcіндегі парақшасында хабарлады. Министр жазбасында былай дейді:

"Достар, өздеріңізге жағымсыз жаңалық жеткізуіме тура келіп отыр. Коронавируске тапсырған соңғы тесттің нәтижесі нашар шықты, менен де ауру анықталды. Өкінішке қарай, мендегі симптомсыз форма емес, сондықтан жұқпалы аурулар ауруханасында жатырмын.

Санитарлық шараларды қатаң сақтағаныма қарамастан, бұл індет мені де айналып өтпеді.
Әсіресе, қашықтан, үйде отырып жұмыс істей алмайтын қызметкерлерге қиын. Соңғы күндері бірқатар өңірде, оның ішінде кәсіпкер, кәсіпорын, медицина мамандары, мемлекеттік, БАҚ қызметкерлері арасынан індет жұқтырғандар қатары артуда. Қазақстандағы жаһандық дағдарыс пен пандемия салдарынан пайда болған проблемаларды шешу үшін қазір көптеген азамат қарқынды жұмыс істеуде. Бізге жиі жеке кездесулерге баруға, аймақтарға іссапарға шығуға тура келеді, мұндай жағдайда, әрине, COVID-19 жұқтыру қаупі де жоғары.

Сондықтан, барша қазақстандықтан «жеке карантин» ережелерін қатаң сақтауды сұраймын. Достар, аурудың алдын алу шараларына мұқият мән беріңіздер.

ТАҒЫ ДА ҚАЙТАЛАЙМЫН:
1. Жұмыста, көлікте, көшеде, дүкенде және т.б. жерлерде мүмкіндігінше арақашықтықты сақтаңыз;
2. Егер сіз офис қызметкері болсаңыз, мүмкіндігінше үйден жұмыс істеуге тырысыңыз.
3.Туыс, достармен онлайн, видео-қоңырау және өзге де жаңа технологиялардың көмегімен байланыс орнатыңыз;
4. Қоғамдық орындарда маска киіп жүріңіз;
5. Қолды кем дегенде 20 секун сабынмен жиі жуып, санитайзермен сүртіңіз;
6. Өзіңіздің және отбасы мүшелерінің температурасын жиі өлшеп тұрыңыз.

Егер бойыңыздан мынадай симптомдарды байқасаңыз: әлсіздік, басыңыз, тамағыңыз ауырса, дене қызуыңыз көтерілсе - дереу дәрігерге хабарласыңыз!

Абай болыңыздар! Баршаңызға зор денсаулық тілеймін!".

Байланысты жаналықтар

Шалабеков жемқорлықпен ұсталды. Әубәкіров қайтпек?

14.09.2020

Көгалдандыру акциясы өтті

18.04.2021

Коронавирус індеті қашан тоқтайды?

26.07.2020

Дәрігер: Жақында вирустың екінші толқыны басталады

27.09.2020

Алматыда еріктілерді жаппай вакцинациялау уақытша тоқтатылады

04.04.2021

Ерікті: Бірде-бір ИВЛ жоқ, оттегі балондарын тасып жүрміз

12.07.2020
MalimBlocks
Шалабеков жемқорлықпен ұсталды. Әубәкіров қайтпек?

Көгалдандыру акциясы өтті

Коронавирус індеті қашан тоқтайды?

Дәрігер: Жақында вирустың екінші толқыны басталады

Алматыда еріктілерді жаппай вакцинациялау уақытша тоқтатылады

Ерікті: Бірде-бір ИВЛ жоқ, оттегі балондарын тасып жүрміз