Жұрт жаппай сатып алып жатқан антибиотиктер қаншалықты пайдалы?

Malim Админ

  • 02.07.2020

Қазақстан отбасы дәрігерлері қауымдастығы пандемияға қатысты маңызды сұрақтардың тізімін жасап, олардың жауабын да жазыпты.

Сұрақтардың бірі – COVID-19-бен күресте қазір жұрт таласып алып жатқан дәрі-дәрмектер қаншалықты пайдалы?

Жауап: Нобазит (энисамия йодид), ингавирин (пентандий қышқылының имидазолилэтанамиді), мұрын интерфероны, арпефлю (умифеновира гидрохлорид) сияқты дәрілердің пайдасы дәлелденбеген. Бұл дәрілердің бәрі вирусқа қарсы. Бірақ клиникалық тәжірибеден өтпегендіктен, дәлелді медицина қолданылатын мемлекеттерде пайдаланылмайды.

Сондықтан бұл дәрілерге бірнәрсенің «протекторы», «иммунитет күшейткіш» деген сөздерді қолданған дұрыс. Өйткені бұл дәрілердің емі дәлелденбеген. Ғылыми түсінікке жатпайтын, жалпы мағынасы бар бұл сөздер емі анықталмаған дәрілерді шығарушылардың арасында кең қолданылады.

Тұмаудың вирусына қарсы нақты пайдасы бар дәрілер (қысқы маусымда):  тамифлю (осельтамивир), реленза (занамавир) және инавир (ланинамивир), бірақ көп адамдар бұларды коронавирусқа қарсы деп қате қолданып жүр.

Нимесил – нимесулидтің коммерциялық атауы, қабынуға қарсы нестериодтық ондаған дәрінің бірі. Аспирин, ибупрофен, парацетамол, натрий диклофенакы сияқты дәрілер де осы топқа кіреді. Егер коронавируспын деп қауіптенсеңіз, нимесил қолданбаңыз, өйткені қауіпсіздік тәжірибесінен өтпеген. Бұлшық етіңіз аурып, сүйегіңіз қақсап, температураңыз түспей қойғанда екі-ақ дәріні қолдануға кеңес бере аламыз. Олар: парацетамол мен ибупрофен.

Сумамед (патенттелмеген халықаралық атауы – азитромицин), цефтриаксон сияқты басқа да антибиотиктерді коронавирус инфекциясы анықталған адамдарға ішуге болмайды. Өйткені ол микробиоңызды бұзады (Ішек пен жұтқыншақтағы пайдалы микробтарды құртады). Ешқандай антибиотик вирусқа әсер ете алмайды. Пайдасыз ғана емес, инфекция уақытында зиян.

Антибиотиктерді коронавируспен қатты аурып, реанимацияда интубациямен жатсаңыз, бактериялық инфекцияның екінші кезеңін алдын алып, интубация жасағанда вирусты өкпеге жібермес үшін дәрігерлер ғана бере алады.

Фото: centre1.com

Байланысты жаналықтар

"Дәрігерлер еміне сын көзбен қараңдар"

26.07.2020

Алматы сары жолаққа енді

08.12.2020

Қазақстанда өткен тәулікте 748 адам коронавирус індетінен жазылды

27.07.2020

Сағынтаев мырза, 260 мың парацетамол кімге жетеді?

08.07.2020

Министр Цой дәрігер реабилитологтың видеосына пікір білдірді

05.07.2020

Коронавируспен "ауырмау" 25 мың теңге тұрады екен

06.08.2020
MalimBlocks
"Дәрігерлер еміне сын көзбен қараңдар"

Алматы сары жолаққа енді

Қазақстанда өткен тәулікте 748 адам коронавирус індетінен жазылды

Сағынтаев мырза, 260 мың парацетамол кімге жетеді?

Министр Цой дәрігер реабилитологтың видеосына пікір білдірді

Коронавируспен "ауырмау" 25 мың теңге тұрады екен