Жаңа оқу жылында - жаңа пән

Malim Админ

  • 17.08.2020

Биылғы оқу жылынан бастап экология туралы қосымша білім беру, сынып сағаттары басталады. Бұл туралы экологиялық білімге қатысты Facebook-тегі KUN.KZ ашық медиа платформада өткен онлайн конференцияда айтылды.

«Экологиялық білім беру, экологиялық тәрбие беру мәселесі өзекті екені сөзсіз, сол себепті Мемлекет басшысы Қасым-Жомарт Тоқаев мектеп бағдарламасына «Балалардың экологиялық білімі« пәнін енгізу туралы тапсырма берген болатын. Осы тапсырма берілгеннен бастап жұмысты бастап кеттік. Осы жұмысқа басқа мемлекеттік органдар да өте белсенді араласуда. Мемлекеттік емес ұйымдардан да өте жақсы ұсыныстар келіп жатыр. Бұл - осы мәселенің өте өзекті екенін тағы бір мәрте дәлелдеп отыр «, - дейді ҚР Білім және ғылым министрі Асхат Аймағамбетов.

Оның айтуынша, басты мәселе - Мемлекет басшысының тапсырмасын сапалы орындау.

«Біздің алдымызда дайын болсақ та, болмасақ та аталған пәнді 1 қыркүйекте мектеп бағдарламасына енгізу туралы талап тұрған жоқ. Біз ең алдымен берілетін білім мазмұнына, баланың жас ерекшелігіне қалай сәйкес келетінін және әдістемелік жағын да қарастырамыз. Мұндай жұмыс асығыс болмау керек. Сабақта, сабақтан тыс уақытта экологиялық білім беру өте маңызды. Бұл сабақты бір пән ішіне кіргізіп қойсақ - тиімділігі жоғары болмайды», - дейді ол. Министр экологияға қатысты тәрбие: ойын, жоба, олимпиадалар арқылы жүзеге асуы керектігін айтты. «Бала тек қана естіп қана қоймай, қолмен жасап көргені дұрыс болады. Президент тапсырмасын орындау жолы мен әдісі көп. Биылғы оқу жылынан бастап экология туралы қосымша білім беру, сынып сағаттарын бастаймыз. Жалпы жұмыс 1 қыркүйектен жүйелі түрде басталады», - дейді Білім және ғылым министрі.

Еске сала кетсек, Президент Қасым-Жомарт Тоқаев 10 шілде күні Үкіметтің кеңейтілген отырысында мектеп бағдарламасына «Балалардың экологиялық білімі» атты жаңа пән енгізуді тапсырған болатын.

Дереккөз: inform.kz

Байланысты жаналықтар

Үш ауысымды мектептер азайып жатыр

09.12.2020

Көгалдандыру акциясы өтті

18.04.2021

Мақсат  тұрақты жұмыс орнын көбейту

24.09.2020

Есімовтің күйеу баласы Jýsan банктің акциясын сатып алды

30.12.2020

2 айға 20 миллион: Семей әкімдігі сюжетті қатты бағалайды

12.05.2021

Жаңаөзенде атыс болды

22.06.2020
MalimBlocks
Үш ауысымды мектептер азайып жатыр

Көгалдандыру акциясы өтті

Мақсат  тұрақты жұмыс орнын көбейту

Есімовтің күйеу баласы Jýsan банктің акциясын сатып алды

2 айға 20 миллион: Семей әкімдігі сюжетті қатты бағалайды

Жаңаөзенде атыс болды