Ұлттық қоғамдық кеңесте білім мен ғылымға қатысты келелі мәселелер көтерілді

Malim Админ

  • 29.09.2020

Ұлттық қоғамдық сенім кеңесінің мамыр айындағы отырысында білім мен ғылымды дамыту мәселелері негізгі тақырып болды. Отырыс қорытындысы бойынша Мемлекет басшысы Қ. Тоқаев білім және ғылым жүйесі үшін маңызды тапсырмалар берді.

Мысалы, педагогикалық мамандықтарға түсетін абитуриенттерге қойылатын талаптарды арттыру және стипендия мөлшерін 42 мың теңгеге дейін ұлғайту тапсырмасы берілді.

Өткен жылы стипендия мөлшері 21 мың теңгені құраса, Президенттің тапсырмасынан кейін желтоқсан айында 26 мың теңгеге дейін өсті. Ал 1 қыркүйектен бастап болашақ педагогтердің стипендиясы 42 мың теңге мөлшерінде болып отыр. Бұл барлық мамандықтардың ішіндегі ең жоғарғы стипендия болады. Айта кетерлігі, студенттер кешеден бері осы стипендияны ала бастады.

Сондай-ақ, осы жылдың маусым айынан бастап педагогикалық мамандықтарға түсу үшін шекті балл бірден 70-ке дейін көтерілді.

«Педагог мәртебесі туралы» Заңды қабылдаудың және атқарылыған шаралардың арқасында биыл «Алтын белгі» төсбелгісі иегерлерінің арасында педагогикалық мамандықты таңдағандар саны 1,7 есе өсті, ал көптеген бағыттар бойынша орташа балл 100-ден асты.

Егер бірнеше жыл бұрын педагогикалық мамандыққа түсушілердің орташа балы 65-ті құраса және педагог мамандығы түлектер арасында көп сұранысқа ие болмаса, қазір жоғары балл жинаған мықты түлектер педагогикалық бағыттар бойынша оқуға түсе бастады.

Сондай-ақ ҰҚСК қорытындысы бойынша берілген тапсырмалар аясында докторанттардың стипендиясы 102 мыңнан 150 мың теңгеге дейін өсті. Мұндай шара жас ғалымдарды қолдау үшін өте маңызды, өйткені докторанттардың отбасылары бар және олар өз зерттеулерін жүргізумен айналысады.

Бұдан бөлек 2020 жылғы қыркүйек айынан бастап мемлекеттік гранттың құны айтарлықтай өсті. Бұл неге маңызды?

Бұл жоғары оқу орындарына оқытушылардың жалақысын арттырып, материалдық-техникалық базасын нығайтуға мүмкіндік береді.

Президенттің Ұлттық қоғамдық сенім кеңесінің қорытындысы бойынша берген тапсырмасының барлығы ерекше бақылауда және белгіленген мерзімде орындалатын болады.

Дереккөз: facebook.com

Асхат АЙМАҒАМБЕТОВ, Білім және ғылым министрі

Байланысты жаналықтар

ДДҰ: Карантиндік шектеулерді алуға әлі ерте

21.05.2020

Қоғам еңбек құндылықтарын қабылдауды өзгертуі керек

04.09.2020

Вирустың жаңа штамы: Ауырып шыққандар қайта жұқтыра ма?

19.03.2021

 В Шымкенте будет обработано около 4 миллионов квадратных метров территории города

19.05.2021

Әкім Әбдраймовтың 500 мыңдық орындықтары

15.07.2020

Нұр-Сұлтандағы абаттандыру: жасыл желекті аймақтар мен демалыс орындары көбеймек

08.06.2021
MalimBlocks
ДДҰ: Карантиндік шектеулерді алуға әлі ерте

Қоғам еңбек құндылықтарын қабылдауды өзгертуі керек

Вирустың жаңа штамы: Ауырып шыққандар қайта жұқтыра ма?

 В Шымкенте будет обработано около 4 миллионов квадратных метров территории города

Әкім Әбдраймовтың 500 мыңдық орындықтары

Нұр-Сұлтандағы абаттандыру: жасыл желекті аймақтар мен демалыс орындары көбеймек