Үржарда полицейлер қызметтерінен жаппай қуылды

Malim Админ

  • 20.10.2020

Шығыс Қазақстан облысы полиция департаментінің бастығы, полковнигі Сағат МӘДИЕВТІҢ бұйрығымен Үржар аудандық полиция бөлімі басшысы Мейрамбек ЖАҚЫПЖАНОВ және оның орынбасары Б. Дайрабаев қызметінен кетті. Сондай-ақ тағы жеті полиция қызметкері жұмыстарынан қуылды. Бұл туралы МӘЛІМ КЗ сайты хабарлайды.

16 қазан күні Қаратұма ауылының тұрғыны Азамат ОРАЗАЛЫНЫ полицейлер ішкі істер бөліміне алып кетеді. Азаматтан мал ұрлығына қатысты сұрақ-жауап алмақшы болады. Алайда, отыз үш жастағы азамат полиция бөлімінде көз жұмған. Марқұмның туған-туыстары, ауылдастары полиция бөліміне барған. Марқұмнан жауап алған тергеушілерді іздегенімен оларды таппай қалады.

«Бір отбасының азаматы аман-сау үйінен полиция бөліміне барып сол жерде өліп қалды. Бұл естіген жанды шошытады ғой. Полиция қоғамның тыныштығын, біздің қылмыскерлерден қорғайтын адамдар емес пе? Ел іші гу-гу әңгіме. Марқұмның артында бала-шағасы қалды. Соларға обал», - дейді Үржар ауданының тұрғыны Талғат ЕЛЕМЕСОВ МӘЛІМ КЗ сайтының тілшісіне.

Марқұм Азамат Оразалының полиция бөліміне жеткізілгенін және сол жерде қайтыс болғанын ШҚО полиция департаменті басшылығы да растады. Қазір полиция қызметкерлерінің үстінен «қинау» фактісі бойынша сотқа дейінгі тергеу жұмыстары басталып кетіпті.

«Қажетті сараптамалар, оның ішінде паталогоанатомиялық зерттеулер өткізілді, әзірге сараптама нәтижелері дайын емес.Қайтыс болған азаматтың отбасына Үржар ауданының әкімімен бірге барып, оның туыстары мен достарының уәждерін тыңдадым, оның барлығы қаралуда.Мен жақын туыстары мен достарының қайғысына ортақтасып, көңіл айтамын.Кінәлі адамдар заңмен белгіленген жауапкершілікке тартылады.Менің принциптік ұстанымым – тергеудің әділ, әрі объективті жүргізілуі», - мәлімдеді полковник Сағат Мәдиев.

Фото: express-k.kz

Байланысты жаналықтар

Шамаң келсе, шығып көр немесе Алматы пандустарының машақаты

01.04.2021

Маска: Дәрігерлер тігеді, Сапарбаев суретке түседі

08.04.2020

Сот ашық диалогқа дайын болу керек

25.08.2021

Отыз жылдықтың рақымшылығына кімдер ілігеді?

07.09.2021

Бекшин «күткен» коронавирус келді

13.03.2020

Ораза 24 сәуірде басталады

14.04.2020
MalimBlocks
Шамаң келсе, шығып көр немесе Алматы пандустарының машақаты

Маска: Дәрігерлер тігеді, Сапарбаев суретке түседі

Сот ашық диалогқа дайын болу керек

Отыз жылдықтың рақымшылығына кімдер ілігеді?

Бекшин «күткен» коронавирус келді

Ораза 24 сәуірде басталады