Үш браконьер өмір бойына бас бостандығынан айырылды

Malim Админ

  • 21.02.2020

Инспектор Ерлан Нұрғалиевті өлтірген, Петр Ницекті өлім аузында қалдырған үш ер адам және заңсыз аң аулаған бір топ жігітке қатысты сот шешімі шықты деп хабарлайды Мalim.kz.

Ерлан Нұрғалиевтің өліміне себеп болған басты үшеу: Берік Ахметов, Қайрат Ақшанов және Нұрлан Шүкілдіков өмір бойына бас бостандығынан айырылып, тар қапаста күндерін өткізетін болды.

Осы аты шулы іске қатысы бар дейтін Берден Базаров, Батырбек Қайырбеков, Жарасхан Мырзабаев және Айдос Әкімовтер заңсыз аң аулағаны үшін кінәлі атанып, алты жылға бас бостандығынан айырылды. Жазаларын қауіпсіздігі орташа колониясыда өтейтін болды.

Сотталғандардың бәрі аң аулау құқығынан бес жылға айырылып, 20 және 30 АЕК көлемінде өтемақы төлеуге міндеттеліп отыр.

Оған қоса, сот шешімі бойынша 17 ақбөкенді атқандары үшін 89 миллионнан астам теңге өтемақы төлеулері міндет болды. Бұл, әрине, аз сомма емес...

Естеріңізге сала кетейік былтыр 13 қаңтар күні Қарағанды ​​облысының Нұра ауданында сирек кездесетiн және жойылып кету қаупi төнген жабайы аңдар мен ақбөкендерді қорғау кезінде «Охотзоопром» инспекторы Ерлан Нұрғалиев браконьерлердің қолынан оққа ұшқан болатын.

Байланысты жаналықтар

Солтүстіктің браконьерлері тыным таппай тұр

04.11.2020

Тағы бір браконьерге үкім шықты

05.03.2020

Жануарларды қорғайтын инспектордың өзі браконьер

23.10.2020
MalimBlocks
Солтүстіктің браконьерлері тыным таппай тұр

Тағы бір браконьерге үкім шықты

Жануарларды қорғайтын инспектордың өзі браконьер