Армения модульдік АЭС салу туралы стратегиялық шешім қабылдады
Бұл туралы Арменияның премьер-министрі Никол Пашинян мәлімдеді
Пашинянның айтуынша, мұндай технологиялар Ресейде, Францияда, Оңтүстік Кореяда дамып келеді. Бірақ АҚШ бұл салада үлкен прогреске қол жеткізген.
- Біз шағын типті модульдік атом электр станциясы болуы керек деген стратегиялық шешім қабылдадық... Бірқатар елдер модульдік АЭС технологияларын қолдану кезеңіне жетті. Шамасы, АҚШ прогресінде ілгерілеу бар сияқты. Сонымен бірге, бұл технологияны Ресей, Франция, Оңтүстік Корея пайдаланады. Біз серіктестермен жұмыс істейміз", – деп мәлімдеді Пашинян 18 қыркүйекте, Ереванда өткен Дүниежүзілік армян саммитінде.
Армения премьер-министрі модульдік АЭС салуға деген ұмтылысын апат болған жағдайда оқиға жергілікті сипатта болатынын, қоршаған ортаға қауіп төндірмейтінін және станциядан 500 метр қашықтықтағы елді мекендер тұрғындарын эвакуациялауды қажет етпейтінін айттып түсіндірді.
Арменияда 1976 және 1980 жылдары ВВЭР-440 типті жер сілкінісіне төзімді АЭС пайдалануға берілген. Реакторлар базасында екі энергия блогы бар бір АЭС жұмыс істейді. АЭС 1989 жылы наурызда “Спитак” жер сілкінісінен кейін тоқтатылды. Бірақ, екінші энергия блогы 1995 жылдың қарашасында қайта іске қосылды. “Росатомның” көмегімен 2021 жылы оның модернизациясы аяқталды. Қолданыстағы АЭС блогының пайдалану мерзімі 2026 жылға дейін ұзартылды. Армения үкіметі Армян АЭС-ін пайдалануды 2036 жылға дейін ұзарту туралы қаулы қабылдады.
Фото: Ақорда
Материалды әзірлеген - Айкөркем Сағат
Байланысты жаналықтар
MalimBlocks
