Фон дер Ляйен Еуроодақ комиссиясының төрағасы болып қайта сайланды
Мұндай шешімді Еуропарламент қабылдады
Урсула фон дер Ляйен екінші мерзімге Еуропалық комиссияның төрағасы болып қайта сайланды, деп хабарлайды Malim.kz dw.com сайтына сілтеме жасап.
Мұндай шешімді Еуропарламент қабылдады. Неміс саясаткерінің кандидатурасын 401 депутат қолдады, 284-і қарсы дауыс берді, 15-і қалыс қалды.
Фон дер Лейен Еуропалық одақтың қорғаныс мүмкіндіктерін едәуір кеңейтуге шақырады.
Біздің алдағы 5 жылдағы жұмысымыз нағыз еуропалық қорғаныс одағын құруға бағытталатын болады, - деді ол.
Ол бұрын Еурокомиссия құрылымында болмаған қорғаныс жөніндегі еурокомиссар лауазымын енгізуді ұсынды. Жаңа комиссар "Еуропалық одақ туралы" шартқа сәйкес ЕО-ның Сыртқы істер және қауіпсіздік саясаты жөніндегі Жоғарғы өкілімен, Еурокомиссия басшысының орынбасарымен тығыз ынтымақтастықта болады" делінген құжатта.
Фон дер Лейен қорғаныс және қауіпсіздік саласындағы бірқатар жобаларды ілгерілетуге ниетті.
Атап айтқанда, оның бағдарламасында жалпыеуропалық әуе қалқаны мен киберқорғау бағдарламасын құру, еуропалық қорғаныс қорын, қорғаныс секторының өнімдерінің нағыз жалпыеуропалық нарығын құру туралы айтылады. Дегенмен оның айтуынша, НАТО "біздің ұжымдық қорғанысымыздың негізгі тірегі" болып қала береді.
Сонымен қатар, Урсула фон дер Лейен Frontex атты Еуропалық шекара және жағалау күзеті агенттігін нығайтуға ниетті. Ол үшін ол агенттік қызметкерлерінің санын үш есе көбейтіп, Europol ЕО полиция қызметін де дамытпақ.
Ол заңсыз мигранттарды ЕО-дан депортациялау мәселесіне жаңа көзқарас қалыптастыруға, сондай-ақ бұл мәселеде транзиттік елдермен және мигранттар ЕО-ға келетін мемлекеттермен ынтымақтастықты тереңдетуге уәде береді.
Оның бағдарламасында балалар мен жасөспірімдерді депрессиядан және басқа да психикалық аурулардан қорғау мақсатында әлеуметтік желілерді қатаң реттеу жоспарлары туралы айтылады.
Фото: Jean-Francois Badias/AP/picture alliance
Байланысты жаналықтар
MalimBlocks
