Көлік бір топ адамды қағып кетті: полиция мәлімдеме жасады
Канададағы Ванкувер полициясы филиппин фестивалінде болған оқиғаға қатысты мәлімдеме жасады, - деп хабарлайды Malim.kz тілшісі.
Ванкувер қаласында жүргізуші жол талғамайтын көлікпен "Лапу-лапу" филиппин фестивалінің қатысушыларына соқтығысқаннан кейін, жергілікті полиция ресми мәлімдеме жасады.
Полиция өкілдері бұл оқиғаның лаңкестік әрекет емес екенін атап өтті.
"Қазір бұл оқиғаның террорлық акт болмағанына сенімдіміз", – делінген ресми хабарламада.
Кейінгі мәліметтерге сәйкес, бұл оқиғадан 9 адам қаза тапқан.
Еске салайық, 30 жастағы жүргізуші 26 сәуірде кешке филиппин фестиваліне жиналған адамдар тобын көлігімен қағып өткен. Ванкувер полициясының хабарлауынша, күдікті – жергілікті тұрғын. Қазір оның мұндай әрекетке не себеп болғаны анықталып жатыр.
Фото: globalnews.ca
Ең көп оқылған
