Мадридтегі барда болған жарылыстан 25 адам зардап шекті, олардың үшеуінің жағдайы ауыр, деп хабарлайды Malim.kz РБК- сайтына сілтеме жасап.
Ғимараттың жоғарғы қабаттары зақымданған, құтқарушылар оның тұрақсыздығына байланысты үйінділерді қолмен аршып жатыр. ABC мәліметінше, газдың шығуы себеп болған.
Испания астанасының Қауіпсіздік және төтенше жағдайлар агенттігінің Х парақшасында хабарлауынша, зардап шеккендердің ішінде үшеуі ауыр халде, екеуі әлеуетті ауыр жағдайда. Жарылыс Пуэнте-де-Вальекас ауданындағы Mis Tesoros барында болған. Детонация бардың үстіндегі тұрғын үйге де әсер еткен.
Қазіргі уақытта 18 өрт сөндіру жасағы жұмыс істеп жатыр, оларға иттермен іздестіру қызметі қосылған. Әуе қолдау тобы дрондарды қолдануда. Сондай-ақ оқиға орнында дәрігерлер де көмек көрсетуде.
Фото: Madrid Emergency Services / Reuters
