Бүгін таңертеңнен бері Татарстан астанасына дрондар шабуылдап жатыр. Baza телеграм-арнасының жазуынша, шабуыл таңғы 07:50-де (Астана уақытымен 09:50 - ред.) басталған. Қазір жалпы 8 дронның соққы жасағаны белгілі болды, деп хабарлайды Malim.kz.
Арна таратқан ақпаратқа қарағанда, бір дрон өндірістік кәсіпорынға шабуыл жасаса, тағы біреуі өзен үстінде атып түсірілген. Ал 6 дрон тұрғын үйлерге тиген.
Дрондар Камалеев даңғылы, Клара Цеткин көшесі, Юкозинская көшесі, Хади Такташ көшесі, Қызыл Позиция көшесі және Орынбор трассасындағы үйлерге тиген. Дрондарды автоматтармен атып түсіруге тырысқан.
Қаланың ең биік ғимараты – Камалеев даңғылындағы «Лазурные небеса» тұрғын үй кешеніне бірден екі дрон соққан. Қазір онда өрт болып жатыр.
Зардап шеккендер туралы әзірге ақпарат жоқ. Өндірістік кәсіпорындардағы ауысымдар эвакуацияланып, паналау орындарына жіберілген.
Қалада демалыс күндеріне жоспарланған барлық бұқаралық іс-шаралар тоқтатылған.
Шабуыл кезінде тұрғындар метро станцияларына жасырынған.
Қазан әуежайында «Ковер» жоспары енгізілді.
Фото: rua.gr
Байланысты жаналықтар
MalimBlocks
