Қырғызстандағы бөгет жарылған жерде төтенше жағдай енгізілді
Қырғызстанның ТЖМ Тақыр-Тор тау көліндегі жарылыстан кейінгі жағдай мен аудандағы қалпына келтіру жұмыстары туралы ақпарат таратты, деп жазады Кабар.
Еске салайық, 2025 жылғы 27 маусымда Тақыр-Тор көлінің жарылуы салдарынан су тасқыны Алмалуу, Таулы Серафимовка және Төменгі Серафимовка ауылдарын басып өткен. Алмалуу ауылында су көпірді шайып кеткен, соның салдарынан жол жабылды. Бішкек—Қой-Таш—Ысық-Ата тас жолына, саяжай учаскелеріне, көпірлерлерге, сонымен қоса қарттар мен мүгедектерге арналған интернет-үйінің ауласына су тасқыны қаупі төнді.
Осыған байланысты Ысық-Ата ауданы әкімінің 2025 жылғы 28 маусымдағы қаулысымен аудан аумағында төтенше жағдай режимі енгізілді.
Сондай-ақ, алдыңғы күні РЭС қызметкерлері Алмалуу ауылында электр бағаналарының негізін нығайту жұмыстарын жүргізгені айтылды. Соның арқасында ықтимал қауіп жойылды.
Бүгінгі күні «Тақыр-Тор» көлінен шығатын судың көлемі секундына 2–3 м³ шамасында екені айтылды.
Көлдің жағдайын бақылау мақсатында оқиға орнында Қырғызстан ТЖМ Чүй облысы бойынша басқарма бастығы, ТЖМ-ге қарасты ТЖ мониторингі және болжау департаментінің бір қызметкері, сондай-ақ Ұлттық ғылым академиясының бір өкілі барды. Олар әуеден визуалды бақылау жүргізіп жатыр.
Автожол, көпір және сел арнасын жөндеу бойынша қалпына келтіру жұмыстарына Төтенше жағдайлар қызметінің 17 қызметкері мен 3 техникасы, жол қызметтерінің 5 техникасы, жеке мердігерлердің 2 экскаваторы, Ішкі істер министрлігінің 40 қызметкері және жергілікті билік органдарының 19 қызметкері жұмылдырылған. Жалпы алғанда апат салдарын жоюға 76 адам мен 12 техника қатысып жатыр.
Фото: kabar.kg
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
