Ростовта «лаңкестік топ» өкілдері тергеу изоляторы қызметкерлерін кепілге алды (ВИДЕО)

Ресейдің Ростов қаласында уақытша тергеу изоляторында бүлік шығарып, изолятор қызметкерлерін кепілге алған топ өкілдерінің түгел көзі жойылды, деп хабарлайды Malim.kz.

Ресейлік ақпарат құралдарының жазуынша, 6 адамнан тұратын топ ДАИШ лаңкестік ұйымының өкілдері. Олар пышақпен қаруланып, темір торларды бұзып өтіп, операция бөлімінің бастығы мен кезекшілік қызметінің кіші инспекторын кепілге алған.

Ақпарат көздері анықталған бесеуінің аты-жөнін жариялады:

— Сайпудинов М.Ш (РФ ҚК 161-бабы, 2-бөлігі, а.г., 162-тармақ);

— Цицкиев А.М. (РФ Қылмыстық кодексінің 205-бабының 2-бөлігі);

— Камнеев Д.В (РФ Қылмыстық кодексінің 288.2-бабының 2-бөлігі);

— Гиреев Т.М (РФ ҚК 205.5-бабының 2-бөлігі);

— Акиев Ш.А (РФ Қылмыстық кодексінің 205.5-бабының 2-бөлігі).

Арнайы жасақ уақытша ұстау изоляторында операция жүргізіп, бүлік шығарған топтың 6 мүшесінің түгел көзін жойған. Ал тергеу изоляторының қызметкерлері босатылды. Жараланғандар бар екені айтылады.

Фото: скриншот