Түркияда бүкіл әлемге танымал "Сүлеймен Сұлтан" кейіпкерін сомдаған Халит Эргенч пен "Чукур", "Іште" телехикаяларымен танылған Рыза Коджаоғлуға сот үкімі шықты, - деп хабарлайды Malim.kz тілшісі.
Сот оларды Ыстамбұлда өткен наразылық акцияларына байланысты қозғалған іс аясында жалған куәлік берді деп танып, айыптады. Сот үкімі бойынша, Халит Эргенч 1 жыл, 10 ай және 15 күнге бас бостандығынан айырылды. Ал әріптесі Рыза Коджаоғлу 1 жыл және 8 айға сотталды.
Іс бойынша толық мәліметтер жарияланбаған. Алайда қос актер бұл іске куәгер ретінде тартылып, тергеу барысында жалған ақпарат берген. Бұл жайт айыптау үкіміне негіз болған.
Оқиға қоғамда үлкен резонанс тудырды. Әлеуметтік желілерде сот шешімі қызу талқыланып жатыр – көпшілік актерлерге қолдау білдіріп, үкімнің әділ болғанына күмән келтіріп жатыр.
Фото: видео кадры
