Ыстамбұл мэрі Экрем Имамоғлуның тұтқындалуына байланысты Түркияда жаппай наразылықтар жалғасуда. Ол 2028 жылғы сайлауда оппозиция атынан президенттікке кандидат ретінде ұсынылған болатын, деп хабарлайды Malim.kz dw.com сайтына сілтеме жасап.
19-25 наурыз аралығында түрік билігі 1879 адамды ұстағанын елдің ішкі істер министрі Али Ерликая мәлімдеді.
Оның айтуынша, ұсталғандардың 260-ы сот шешімін күтіп қамауда отыр, 662 адамның ісі сот қарауында, ал 489 адам босатылған.
Түркияның ІІМ мәліметінше, барлық наразылық білдірушілер құқық қорғау органдарына қарсылық көрсеткені үшін ұсталған. Ерликаяның сөзінше, жаппай наразылықтар кезінде 150 полицей жарақат алған. Елдегі қоғамдық жиналыстарға салынған тыйым 1 сәуірге дейін ұзартылды.
Фото: Murad Sezer/REUTERS
