Продюсер Баян Алагөзова танымал актриса Меруерт Өтекешоваға пәтер сыйламақ ниетте, деп хабарлайды Malim.kz.
Продюсер бұл жаңалықты өзінің әлеуметтік желідегі парақшасында жариялаған.
Баян Мақсатқызы актрисамен жақын араласпаса да, Қыз Жібек арқылы қазақ қыздарының көркін әлемге танытқан өнер иесіне ерекше құрметпен қарайтынын жеткізді.
Сондай-ақ, ол алдағы екі ай ішінде Меруерт Қаратайқызына өзі таңдаған кез келген пәтерді алып беруге уәде еткен.
Бұған дейін Баян Алагөзова актрисаға ай сайын бір миллион теңге төлеп тұратынын айтқан еді.
Сонымен қатар, ол Меруерт Өтекешоваға құндыз тон жауып, гауһар сырға сыйлаған.
