Әлеуметтік желіде халықаралық «Қазақ тілі» қоғамының президенті Рауан Кенжеханұлы «Моана 2» анимациясы қанша табыс тапқанын жариялады.
Оның айтуынша, «Моана 2» анимациясының он екі күндегі кассалық табысы 151 000 000 теңгеден асқан.
«Фильмді қазақ тіліне аударып, дубляждауға кеткен шығын еселене ақталып, қазақтілді көрерменнің нарықтағы зор ықпалы расталды. «Моана 2-нің» 12 күндегі кассалық табыс үлесі 151 000 000 теңгеден асты! «Ойжұмбақ 2» анимациялық фильмін басып озып, жаңа рекорд орнатты. «Ойжұмбақ 2» жалпы көлемі 138 000 000 теңге табыс жинаған еді», - дейді ол.
Бұл – қазақ тіліндегі анимациялық фильмдер арасындағы ең үздік көрсеткіш. Қазақ дубляжына деген қызығушылық пен қолдаудың жарқын үлгісі дейді ол.
Көрсетілім басталған алғашқы күндердің өзінде «Моана 2» Қазақстанның бокс-офистер кестесінде алғашқы орында тұрған.
«Қазақ тілі» қоғамының осы бастамасын қолдап, үндеуімізге үн қосқан барлық бауырларға ризашылық білдіреміз! Қазақ дубляжы мен мазмұнын қолдауды жалғастыра берейік!» – деді Р.Кенжеханұлы.
Фото: championat.com
Байланысты жаналықтар
MalimBlocks
