Коронавирусқа байланысты жарияланған төтенше жағдайдың аяқталуына байланысты соңғы қоңырау мерекесі маусым айында өтеді. Бұл туралы премьер министрдің бірінші орынбасары Ералы ТОҒЖАНОВ айтты деп хабарлайды Malim.kz сайты.
«Аттестат тапсыру мен соңғы қоңырау 3-4 маусым күндері, ашық аспан астында, шектеулі адамдармен, санитарлық нормаларды қатаң сақтай отырып өткізіледі», - деді Тоғжанов онлайн брифингте.
Ол сондай-ақ ҰБТ-ның өткізілу тәртібі туралы да айтты. Оның айтуынша, бұған дейін айтылып келгендей, ҰБТ онлайн түрде өтпейді.
«ҰБТ-ны штатты режимде 20 маусымнан бастап санитарлық тнормаларды сақтай отырып, 168 пунтте өткізу жоспарланып отыр», - деді ол.
Ол сондай-ақ онлайн оқыту, қашықтан білім беру коронавирустан кейін де жалғасатынын айтты. «Коронавирус кемшілігімізді көрсетіп берді» деген бірінші вице-премьер цифрландыру дәуірінде оқытудың бұл түрін дамытпаса болмайды дейді.
Айта кету керек, Білім және ғылым министрлігі қашықтан оқытуды онлайн түрде жүргізуге Қазақстандағы интернеттің мүмкіндігі жетпейтінін айтып, мұғалімдерден басқа, өзіндік тәсілдермен оқыта беруін сұраған.
Байланысты жаналықтар
MalimBlocks
