Әр мемлекеттің архив саласына қатысты мерекесі түрлі даталарға белгіленгенмен, бұл күн әлемдегі барлық архившілердің басын біріктіреді.
Мәдениет және ақпарат министрлігінің мәліметінше, елімізде құжаттарды сақтайтын 236 мемлекеттік архив бар. Соның ішінде 5 республикалық, 5 арнаулы, 1 Президент архиві және 225 облыстық, қалалық, аудандық архив жұмыс істейді.
Республика бойынша 3368 архив қызметкері бар. Еліміздегі барлық архив 1998 жылғы 22 желтоқсандағы «Ұлттық архив қоры және архивтер туралы» заңға сай қызмет атқарады.
Архив қоры жыл сайын орта есеппен 16 мыңнан астам ұйымнан 300-400 мың іспен толықтырылып отырады.
Қазір Ұлттық архив қорында 27.5 млн-нан астам құжат сақтаулы тұр.
Бұл кәсіби мерекені 2007 жылы қарашада Квебек қаласында өткен Бас ассамблеяда Халықаралық архив кеңесі (International Council on Archives, ICA) ресми түрде бекітті. Мерекенің датасы кездейсоқ таңдалмаған. Дәл осы күні 1948 жылы ЮНЕСКО-ның қолдауымен Халықаралық архив кеңесі құрылды. Бұл ұйымның құрылған күніне орай Халықаралық архив күні бекітілді. Ал 2008 жылы алғаш рет мереке тойланған кезде ХАК-тің құрылғанына 60 жыл толды.
Фото: Malim.kz
