Алматының Орталық қалалық клиникалық ауруханасына ауыр жарақат алған малайзиялық науқас түскен. Дәрігерлер оның өмірін сақтап қалды, - деп хабарлайды Malim.kz тілшісі.
Науқасқа тетраплегия (сал болу) деген диагноз қойылған. Қабылдау бөлмесінен ол дереу жансақтау бөліміне жіберілді, кейін шұғыл операция жасалды.
Оған себеп - ауыр деңгейіндегі омыртқааралық жарықтың жарақаттан кейінгі өзгеруі.
Марат Алматовтың жетекшілігімен нейрохирургиялық бригада күрделі ота жасады.
Одан кейін алғашқы күні пациенттің сезімталдығы қалпына келе бастады, ал оныншы күні ол жүре бастады.
Осындай жарақаты бар пациенттердің 95 пайызы өмір бойы төсек тартып қалады.
Бұл - шынымен қуанышты жайт және нейрохирургтардың, реаниматологтардың, анестезиологтардың және барлық медицина қызметкерінің жоғары біліктілігінің нәтижесі.
Алматыға сапалатып келген Малайзия азаматы Шымбұлақтағы демалып жүріп, мұзға басымен құлаған.
"Құлағаннан кейін мен қол-аяғымды сезбедім, мүлдем сал болып қалдым. Әйелімді шақыруға ғана мұрсам жетті. Жедел жәрдем шақырдық. Енді жүре алмай қаламын деп ойладым", - дейді зардап шеккен шетелдік.
Оның айтуынша, ол операцияға дейін мүлдем қозғала алмаған. Бірақ операциядан кейінгі бірінші күні ол қолын қимылдатып, кейін қозғала бастаған.
"Дәрігер Марат Алматовқа ерекше алғысымды білдіргім келеді - ол әрбір маманы мұқият, позитив және білікті керемет команда жинады. Менің ойымша, Қазақстандық медицина көптеген елден қарағанда жоғары. Сіздің қолыңыз - алтын. Жаңадан өмір сүруге мүмкіндік бергендеріңіз үшін рақмет айтамын", - деді Малайзия азаматы.
Сауығып кеткеннен кейін науқас Малайзияға оралды.
Фото: Денсаулық сақтау министрлігі
