Синоптиктер ертең, 23 қаңтарда Қазақстанның басым бөлігінде ауа райына байланысты ескерту жасады, деп хабарлайды Malim.kz.
Түркістан облысының оңтүстігінде, таулы және тау бөктерлі аудандарында қар, тұман. Облыстың таулы аудандарында жаяу бұрқасын. Солтүстік-батыстан солтүстік-шығысқа ауысатын жел соғады, облыстың таулы аудандарында күші - 15-20 м/с.
Шымкентте түннің бірінші жартысында қар жауып, тұман түседі.
Абай облысында қар, бұрқасын, көктайғақ. Оңтүстік-батыстан соғатын жел солтүстік-батысқа ауысады, облыстың батысында, солтүстігінде, орталығында түнде екпіні секундына 23-28 метрге жетеді.
Батыс Қазақстан облысының солтүстігінде, шығысында тұман түседі.
Жамбыл облысының солтүстігінде, оңтүстігінде, таулы аудандарында қар, жаяу бұрқасын, тұман, түнде таулы аудандарында қалың қар жауады. Оңтүстік-батыстан соғатын жел солтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында екпіні секундына 23-28 метрге дейін жетеді.
Астанада түнде жаяу бұрқасын.
Ұлытау облысының солтүстігінде, шығысында қар, бұрқасын, көктайғақ. Облыстың солтүстігінде, шығысында тұман. Солтүстік-батыста, батыстан жел соғады, түнде облыстың солтүстігінде, шығысында екпіні - 15-20 м/с.
Қарағанды облысының батысында, солтүстігінде, оңтүстігінде қар, жаяу бұрқасын, көктайғақ. Облыстың солтүстігінде, шығысында тұман. Оңтүстік-батыстан, батыстан жел соғады, түнде облыстың солтүстігінде, шығысында, оңтүстігінде екпіні секундына 15-20 метрге жетеді.
Шығыс Қазақстан облысында қар, бұрқасын, көктайғақ. Түнде облыстың шығысында қалың қар жауады. Оңтүстік-батыстан соғатын жел солтүстік-батысқа ауысады, облыстың батысында, солтүстігінде, шығысында екпіні 23-28 м/с-ке жетеді.
Павлодар облысының оңтүстігінде, шығысында түнде қар, күндіз аздаған қар жауады. Жаяу бұрқасын. Солтүстік-батыстан жел соғады, екпіні секундына 15-20 метрге жетеді.
Солтүстік Қазақстан облысының солтүстігінде, шығысында, оңтүстігінде аздаған қар, жаяу бұрқасын. Солтүстік-батыстан, батыстан жел соғады, күші 15-20, облыстың солтүстігінде, шығысында, оңтүстігінде екпіні 23-28 м/с.
Қызылорда облысының шығысында аздаған қар, жаяу бұрқасын күтіледі. Жел солтүстік-шығыстан соғады, түнде облыстың солтүстігінде, шығысында, орталығында екпіні 15-20 м/с күтіледі.
Ақтөбе облысында батысында, солтүстігінде түман күтіледі.
Ақмола облысының солтүстігінде, шығысында аздаған қар, бұрқасын күтіледі. Солтүстік-батыстан, батыстан жел соғады, облыстың солтүстігінде, шығысында екпіні 15-20 м/с күтіледі.
Маңғыстау облысының солтүстік-шығысында тұман, жолдарда көктайғақ күтіледі. Оңтүстік-шығыстан жел соғады, екпіні 15-20, облыстың батысында, оңтүстігінде кей уақыттарда 23-28 м/с күтіледі.
Атырау облысында оңтүстік-шығыстан жел соғады, түнде облыстың батысында, күндіз екпіні 15-20 м/с.
Қостанай облысының батысында, солтүстігінде тұман күтіледі.
Алматы облысының солтүстігінде, оңтүстігінде, таулы аудандарында тұман, көктайғақ, жолдарда қарлы қатқақ күтіледі. Жел солтүстік-батыс бағыттан солтүстік-шығыс бағытқа ауысады, облыстың шығысында, таулы аудандарында екпіні 15-20 м/с.
Алматыда кей уақытта тұман, көктайғақ, жолдарда қарлы қатқақ күтіледі.
Фото: depositphotos.com
