Шаңды дауыл, қатты жел: Қазақстанның 14 облысында қолайсыз ауа райы күтіледі
«Қазгидромет» хабарлауынша, 31 тамызда Қарағанды облысының батысы, солтүстігі мен шығысында найзағай, бұршақ, қатты жел күтіледі. Өңірде жоғары және төтенше өрт қаупі сақталады, деп хабарлайды Malim.kz.
Атырау облысында күндіз батыста шаңды дауыл болады, жел күшейеді. Күн +35…+37 градусқа дейін ысиды, өрт қаупі жоғары.
Қызылорда облысында солтүстік-шығыстан жел соғып, екпіні 15–20 м/с-қа жетеді. Облыс бойынша төтенше өрт қаупі сақталады.
Қостанай облысында түнде және күндіз найзағай, бұршақ пен қатты жел күтіледі. Өңірдің оңтүстігінде төтенше өрт қаупі бар.
Шығыс Қазақстан облысында қатты жаңбыр, бұршақ, найзағай және дауыл болады. Желдің екпіні 23–28 м/с-қа дейін жетеді.
Абай облысында да қатты жаңбыр, бұршақ пен дауыл күтіледі. Семейде күндіз қатты жаңбыр жауып, жел күшейеді.
Ақтөбе облысында солтүстігі мен шығысында жел күшейеді. Өңірде жоғары және төтенше өрт қаупі бар.
Павлодар облысында қатты жаңбыр, бұршақ, найзағай және дауыл күтіледі. Желдің екпіні 28 м/с-қа дейін жетуі мүмкін.
Жетісу облысында 31 тамыз – 2 қыркүйек аралығында қатты жел тұрады. Өрттің жоғары және төтенше қаупі сақталады.
Түркістан облысында шаңды дауыл күтіледі. Өңірде төтенше өрт қаупі сақталады.
Ақмола облысында түнде тұман, күндіз найзағай болады. Жел күшейіп, өрт қаупі жоғары деңгейде қалады.
Батыс Қазақстан облысында да өрт қаупі жоғары. Өңірдің батысында төтенше өрт қаупі сақталады.
Солтүстік Қазақстан облысында найзағай, бұршақ, дауыл күтіледі. Петропавлда күндіз найзағай соғып, жел күшейеді.
Жамбыл облысында жел солтүстік-батыстан солтүстік-шығысқа ауысып, күшейеді. Өңірде төтенше өрт қаупі сақталады.
Фото: freepik.com
Ең көп оқылған
