Ерекше құбылыс 1 шағын аудандағы теңіздің жағалауында тіркелді. Әдеттегіден өзгеше жағдайға тұрғындар алаңдаушылық танытып, экологтарға хабар берген.
Алайда Маңғыстау облыстық экология департаментінің хабарлауынша, алаңдауға негіз жоқ, бұл табиғи құбылыс.
Маңғыстау облыстық экология департаментінің мамандары жыл сайын болатын, Каспий теңізінің қызыл түске боялу құбылысына байланысты биылғы 12 ақпан күні теңіз суынан сынама алды. Оның аясында теңіз суының құрамына химиялық және мұнай өнімдерінің бар немесе жоқ екендігіне талдау жұмыстары жүргізіледі. Нәтижесі қосымша жарияланады, - делінген хабарламада.
Ақтаулық эколог Кирилл Осиннің айтуынша, бұл құбылыс жылда қыс мезгілінде қайталанады. Себебі, осы кезде балдырлар көбейіп, гүлдейді.
Әсіресе, қар жауса қызыл түс қорқынышты болып көрінеді. Бұл негізі қоңыр балдырлар, - дейді эколог.
Мамандар «Достар», «Нұр-Плаза» жағажайлары мен яхта клубының аумағынан сынамалар алған.
Фото: Маңғыстау облысы Экология департаменті
Байланысты жаналықтар
MalimBlocks
