Көлік министрі Марат Қарабаев Үкіметтегі брифингте жанармай құны мен ҚҚС өсімінің әуе, пойыз билеттері мен такси қызметінің бағасына қалай әсер ететінін айтты, деп хабарлайды Malim.kz.
Министр әуе керосині әуелден нарықтық бағамен жүретінін, сондықтан ол жаққа ешқандай әсер етпейтінін айтады. Сонымен қатар, ол теміржол билеттері бағасын мемлекет реттеп отыратынын, сондықтан, ол жақта билет құнын арттыруды жоспарланып отырмағанын жеткізді.
Күні кеше ғана біз өзін өзі реттеу туралы заң жобасын талқыладық. Сол заң жобасы шеңберінде алпауыт интернет агрегатымен такси жүргізушісі өзара келісіп, ортақ келісімге келсе болады. Бір шақырымның бағасы қанша, оның пайызын алу мөлшерін есептеп, өзара келіссе болады. Мұндағы келісімге мемлекет араласпайды, такси қызметі мен агрегат компания өзара шарт жасайды деген заң жобасын ұсынып отырмыз. Ол жоба қазір қарастырылып жатыр, пилоттық режимде тексеріп көреміз деп отырмыз,- деді министр.
Фото: ҚТЖ АҚ баспасөз қызметі
