Kaspi-дің тең иесі Вячеслав Ким Қаржы нарығын реттеу және дамыту агенттігіне Ғалымжан Есеновтен Jusan Bank-тың 99,74% акциясын сатып алу бойынша өтініш берді, деп хабарлайды «Ручная экономика» арнасы дереккөзге сілтеме жасап.
Бұған дейін Bloomberg агенттігі 2024 жылдың тамызында Кимнің бұл банктің бақылау үлесін сатып алуда Есеновке «жасырын демеуші» болғанын хабарлаған еді. Алайда Ким мұны жоққа шығарды.
Қыркүйекте Bloomberg Jusan Bank-тың сатылуы жайында, сондай-ақ оның Kaspi-мен бәсекелеспеуі үшін кәсіпорындарды несиелеу және қамтамасыз етілген қарыздарға (ипотекаға) бағыт алатыны туралы жазған еді.
Айта кетейік, 2024 жылдың қорытындысы бойынша Kaspi 8,2 трлн теңге активімен Қазақстанда 2-орын тұрса, Jusan 6-орынға (3,3 трлн теңге) жайғасқан.
Фото: olympic.kz
