Несиені мерзімінен бұрын өтегенде салынатын айыппұлдар алынып тасталады
Қазақстанда банктердің несиені мерзімінен бұрын өтеуге салатын айыппұлдары 31 тамыздан бастап жойылады, деп хабарлайды LS Fingramota порталына сілтеме жасап.
Қазіргі уақытта банктер қарызды мерзімінен бұрын өтеу жағдайында айыппұл салуға құқылы, егер бұл өтеу алғашқы алты ай ішінде (несие мерзімі бір жылға дейін) немесе алғашқы бір жыл ішінде (мерзімі бір жылдан асатын несиелер үшін) жүзеге асырылса. Бұл шектеу барлық қарыз алушыларға қатысты қолданылады.
"Алайда 2025 жылдың 31 тамызынан бастап заң өзгереді. Мұндай айыппұлдар тек заңды тұлғаларға ғана қолданылатын болады, ал жеке тұлғаларға кез келген уақытта қарызын ешқандай санкциясыз өтеуге рұқсат етіледі", – деп хабарлайды портал.
Мерзімінен бұрын өтеу кезінде тұтынушы банкке пайыз бойынша аз ақша төлейтіні атап өтілген.
Бұған дейін Қаржылық реттеу және дамыту агенттігі банктерге жеке тұлғалардың құқықтарын қорғау бойынша бөлімшелер құруды міндеттеген еді. Бұл бөлімшелерде өтініштерді қарау тиімділігі, негізгі тәуекелдер, қызмет көрсету сапасы және қаржы өнімдерінің тиімділігі бағаланатын болады.
Фото: freepik
Ең көп оқылған
