АҚШ президенті Дональд Трамп 28 шілдеде Украина басшысы Владимир Зеленскийді Ақ үйде қабылдайды. Кездесудің негізгі тақырыбы Ресей мен Украина арасындағы соғысты тоқтату және бейбіт келіссөздерді ілгерілету болмақ, деп хабарлайды Malim.kz.
Ақ үй өкілінің мәліметінше, екі елдің басшысы Мәскеу мен Киев арасындағы қақтығысты дипломатиялық жолмен реттеу мүмкіндіктерін қарастырады.
"Соғысты тоқтататын уақыт келді", – деді америкалық әкімшілік өкілі.
Таяу Шығыстағы жағдай да талқыланбақ
Дональд Трамптың Израиль премьер-министрі Биньямин Нетаньяхумен де кездесу өткізуі жоспарланып отыр.
Ақ үй шенеунігінің айтуынша, келіссөздер барысында Иранмен арадағы соғыс, Ливанмен жүргізіліп жатқан келіссөздер және Авраам келісімдерінің аясын кеңейту мәселелері талқылануы мүмкін.
Бұған дейін Дональд Трамп Владимир Путинмен салыстырғанда Зеленскиймен келісімге келу қиынырақ екенін мәлімдеген еді.
