Украина президенті Владимир Зеленский 28 шілдеде Вашингтонда АҚШ президенті Дональд Трамппен кездесуі мүмкін. Кездесу Ресейге қарсы жаңа әрі қатаң санкциялар туралы заң жобасы АҚШ Сенатында қаралатын кезеңге тұспа-тұс келіп отыр.
Reuters таратқан ақпаратқа сәйкес, заң жобасы қабылданса, Ресейдің мұнайы мен газын ең көп импорттайтын елдерге, соның ішінде Қытай мен Үндістанға қатысты 100 пайыздық баж салығын енгізу мүмкіндігі қарастырылған. Бұл Мәскеуге экономикалық қысымды айтарлықтай күшейтуі ықтимал.
Сарапшылардың пікірінше, Трамп пен Зеленскийдің кездесуі Украинадағы соғысқа қатысты АҚШ ұстанымының келесі кезеңін айқындауы мүмкін. Сонымен қатар құжатқа Иранға қарсы қосымша санкциялар енгізу мәселесі де талқыланып жатыр.
