Қаржы вице-министрі Ержан Біржанов Павлодар облысының бизнес-қауымдастығымен кездесті. Кездесу барысында салық заңнамасына жақын арада енгізу жоспарланып отырған негізгі өзгерістер таныстырылды.
Оның айтуынша, реформаны іске асыру кезінде еліміздің бюджетіне салық түсімдерінің жыл сайын 4-5 трлн теңгеге өседі деп күтілуде. Негізгі жаңалықтардың бірі табысы жылына 15 млн теңгеге дейінгі жеке тұлғалар үшін жеке кәсіпкер ретінде тіркелмеу мүмкіндігі. Бұл өзін-өзі жұмыспен қамтығандардың көптеген санатына – курьерлерге, такси жүргізушілеріне және қолөнершілерге – агрегатор операторларының платформалық жұмыспен қамтылуын қажетсіз бюрократиялық рәсімдерсіз пайдалануға мүмкіндік береді.
Бұл режимде төрт пайызды алып қою көзделуде: екеуі – зейнетақы жарналары, біреуі – медициналық сақтандыру, бір пайызы – әлеуметтік аударымдар», — деп түсіндірді Ержан Біржанов.
Бұрын бір пайызы жеке табыс салығына кеткен, бірақ қазір бұл ақша өзін-өзі жұмыспен қамтығандарда болашақ зейнетақы және әлеуметтік жинақ ретінде қалады. Табыс шегінен асқан жағдайда кәсіпкер ҚҚС төлеуші мәртебесіне ауысуға міндетті болады.
Сонымен қатар вице-министр салық жүктемесінің артуына байланысты азық-түліктің қымбаттауы туралы алаңдатып отырған тақырыпты қозғады. Ол ауылшаруашылық өнімдеріне салық салынбайтынына, ал бөлшек сауда салығы қолданыстағы күйінде қалатынына сендірді. Сондай-ақ Қаржы министрлігі тиімсіз салық жеңілдіктерін қысқартуды, табысы жоғары қазақстандықтар үшін жеке табыс салығы бойынша сараланған мөлшерлемелерді енгізуді қарастыруда.
Үкіметте бюджет кірісін ұлғайту үшін ҚҚС мөлшерлемесін 16%-ға дейін арттыру талқылануда, бұл Ұлттық қордың тұрақты жағдайын сақтауға және мемлекеттік басым жобаларды: инвесторларды несиелендіру, АӨК институттарын дамыту, ел қорғанысына, ТКШ жаңғыртуға, жылу энергетикалық және газ тасымалдау жүйелерін дамытуға, машина жасау, өңдеу өнеркәсібі, сумен жабдықтау және су бұру шығындарын жабуды қаржыландыруға мүмкіндік береді.
«Соңғы бірнеше жылда біз Ұлттық қордан қаражат алдық, дегенмен оның басты міндеті – болашаққа салынған инвестиция», — деп түсіндірді Ержан Біржанов.
Салық реформаларын ұсына отырып, Үкімет еліміздің әлеуметтік мәселелерін шешу үшін бизнесті қолдау мен бюджеттік кірісті ұлғайту арасындағы тепе-теңдікті сақтауға ниетті. Вице-министрмен кездесуде жергілікті кәсіпкерлер сауалдарын қойып, бастамаларды одан әрі пысықтау кезінде қаралатын өз ұсыныстарын енгізуге мүмкіндік алды.
Фото: Үкімет
