Qarmet сингапурлық оффшорлық компания иелігіне өтіп кеткен бе?
Өнеркәсіп және құрылыс министрінің орынбасары Олжас Сапарбеков Үкімет отырысынан кейін өткен баспасөз мәслихатында Qarmet құрылтайшыларының ауысқаны туралы мәліметтерді теріске шығарды.
Әлеуметтік желіде Qarmet-тің Астана халықаралық қаржы орталығындағы құрылтай құжаттары мен еGov.kz платформасындағы құрылтай құжаттары сәйкеспейтіні туралы сауалдар туындап жатыр. Осы мәліметке сүйеніп кейбір сарапшы Qarmet Сингапурдегі оффшорлық компанияға өтіп кетті деп болжап жүргендер бар. Ол компанияның артында ресейлік инвестор тұр деп есептейтіндер бар. Осыған не дейсіздер, — деп сұрады журналист.
Вице-министр бұл мәліметтің бәрін теріске шығарды.
— Сингапур мемлекетінде Qarmet-тің филиалы ашылған. Ол филиал Qarmet-тің экспорт мәселелерімен, басқа да сұрақтармен айналысады. Сол үшін ашылған. Qarmet қазіргі уақытта қазақстандық компания болып есептеледі. Бүкіл иелері осында, осында жұмыс істеп жатыр. Салықтың бәрін мемлекетке төлеп отыр. Яғни, Сингапурдағы компания Qarmet-тің құрылтайшысы деген ақпарат шындыққа жанаспайды. Ол филиал ғана, — деді Олжас Сапарбаеков.
«QazIndustry» қазақстандық индустрия және экспорт орталығы» акционерлік қоғамы басқарма төрағасының орынбасары Айдар Қожахметов те Qarmet-тің құрылтайшылары түгел қазақстандық азаматтар екеніне сендірді.
— Кәсіпорынның құрылтайшылары Астана халықаралық орталығында тіркелген. Акицонерлік құрылтайшылары бекітілген. Сондықтан Сингапурде ешқандай еншілес басқа құрылтайшылары бар деген мәліметті жоққа шығарамыз. Ол филиал Qarmet-тің өндірісін жаңғырту жұмыстарына қаржы тарту мәселелерін пысықтаумен де айналысады. Сондай-ақ, өнімді экспортқа шығару мәселесімен айналысады, - деді ол.
Фото: varlamov.ru
Ең көп оқылған
