АҚШ президенті Джо Байден Калифорнияда кем дегенде бес адамның өмірін қиған орман өртіне байланысты Италияға сапарын тоқтатты. Сондай-ақ ол штатта апатты жағдай жариялады. Бұл туралы Ақ үйдің баспасөз хатшысы Карин Жан-Пьер таратқан мәлімдемеде айтылған, деп хабарлайды ресейлік ТАСС ақпарат агенттігі.
- Президент Байден бүгін полиция, өрт сөндірушілер және аймақтағы тарихи орман өртімен күресіп жатқан төтенше жағдайлар қызметкерлерімен кездесіп, Калифорнияда төтенше жағдай жарияланғаннан кейін президент Байден кешке Лос-Анджелеске оралып, Италияға алдағы сапарын тоқтатуға шешім қабылдады, - делінген құжатта.
Осыған деін Калифорния билігі орман өртінен қаза тапқандар саны бес адамға жеткені жазылды.
- Бүгін біз екі адамның өлгені туралы хабарлаған едік. Өкінішке қарай, олардың саны бес адамға жетті, - деді Лос-Анджелес округінің шерифі Роберт Луна.
Оның айтуынша, жалын әлі ауыздықталған жоқ, зардап шеккендер саны артуы мүмкін.
Фото: report.az
