Денсаулық сақтау министрлігі елдегі жұқпалы ауруларға қатысты эпидемиологиялық жағдай туралы статистика ұсынып отырады. Бүгін, 13 ақпан күні министрлік пандемиядан кейін араға біраз уақыт салып қайтадан коронавирустың статистикасын ұсынған, деп хабарлайды Malim.kz Azattyq Rýhy сайтына сілтеп.
Дереккөзге сүйенсек, жыл басынан бері бес адамнан коронавирус табылған екен.
«2026 жылдың басынан бері елде коронавирус жұқтырған бес адам тіркелді. Өткен жылдың осы кезеңімен салыстырғанда сырқаттану деңгейі 17,2 есеге төмендеді. Өлім-жітім жағдайлары тіркелген жоқ», - деп хабарлайды ДСМ.
Ресми сайттағы мәліметке сүйенсек, бұл бес адамнан коронавирустың Омикрон түрі табылған.
