Ақмолалық зейнеткер алаяқтармен сөйлесіп, 1,7 млн теңгесінен айрылды
Зейнеткер жеке құжаты мен биометриялық деректерін беріп қойған
Целиноград ауданының тұрғыны алаяқтардың құрбаны болып, 1,7 млн теңгесінен айрылып қалды. Sinegor.kz жазуынша, өзін банк қызметкері ретінде таныстырған, деп хабарлайды Malim.kz.
Алаяқтардың кезекті және жақсы ұйымдастырылған схемасына алданған зейнеткер оларға тек ақшасын аударып қана қоймай, жеке құжатының фотосын жіберіп, биометриялық деректерін де беріп қойған.
Ер адамға белгісіз біреу қоңырау шалып, өзін ұялы байланыс компаниясының қызметкері ретінде таныстырып, SIM-картаның әрекет ету мерзімін ұзарту қажеттігін айтқан. Кейін WhatsApp арқылы өзін компания менеджері ретінде таныстырған әйел хабарласып, зейнеткерден жеке куәлігінің фотосын сұрап, бейнебиометрия жасау керектігін түсіндірген. Сондай-ақ, СМС арқылы келген растау кодын алдап алған.
Ертеңінде өзін банк қызметкері ретінде таныстырған басқа біреу хабарласып, алаяқтардың атына несие рәсімдеп жатқанын айтып, «қаражатты қорғау» үшін 1 млн 200 мың теңгені «қауіпсіз шотқа» аударуын сұраған. Кейін депозиттен тағы 550 мың теңгені аударуды талап еткен. Нәтижесінде, зейнеткер жалпы 1 млн 750 мың теңге көлемінде шығынға ұшырағанын кеш түсінген.
Қазір полиция алаяқтарды табумен айналысып жатыр.
Фото: freepik.com
