"Банктен хабарласып тұрмыз": Елімізде алаяқтық екі есе артты
Қазақстанда банктердің қызметкеріміз деп жалған қоңырау шалып, хабарлама жіберетін алаяқтардың әрекеті 2,1 есеге көбейді, деп хабарлайды Malim.kz DataHub сайтына сілтеме жасап.
Биылғы 8 айда осындай 4,3 мың жағдай тіркелді.
«Қазіргі көрсеткіш өткен жылдың сәйкес кезеңімен салыстырғанда 2,1 есеге жоғары. Ең көп фактілер Астана, Қарағанды және Павлодар облыстарында анықталды. Бұл үш өңір ел бойынша барлық эпизодтың шамамен үштен бірін құрайды», – дейді сарапшылар.
Сонымен қатар интернет-алаяқтықтың жалпы саны да артуда. Тамыз айында бұл көрсеткіш өткен жылмен салыстырғанда 22%-ға өсіп, 17,2 мың жағдайға жеткен.
Оның шамамен 16%-ы Астанада тіркелсе, Алматы, Қарағанды және Павлодар облыстарында да жоғары көрсеткіш байқалады. Әсіресе Павлодар облысында интернет-алаяқтықтың 10 мың тұрғынға шаққандағы деңгейі айтарлықтай жоғары.
Фото Depositphotos.com
Ең көп оқылған
