Асырап алған балаларын құлдықта ұстаған адам сотталды
Қораны тазалайтын жұмысшыға ақша шығындағысы келмеген ол жетім балаларды жұмысқа жеккен
Ұлытау облысында жетімдер үйінен асырап алған ағайынды ұлдар мен бір қызды қинап, мал бақтырған келіншек 4 жылға сотталды.
Тергеуге сәйкес, Садықова 2018 жылы 3 жетім баланы асырап алады. Анықталғандай, оның үлкен шаруа қожалығы болған. Ондағы малды бағып, қораны тазалайтын жұмысшыға ақша шығындағысы келмеген ол осы үш жетім баланы жұмысқа жеккен.
Садықова заң талаптарын елемей және патронаттық келісімнің міндеттерін орындамай балаларды ауыр үй шаруасымен айналысуға, сондай-ақ Жезқазған аумағында металл сынықтарын жинауға мәжбүрлеген. Егер балалар өзіне бағынбай, жұмысты сапасыз атқарған жағдайда Садықова оларды сабаған», - деп хабарлайды Ұлытау облысының прокуратурасы.
Анықталғандай, ол әйелді сот биыл 11 шілдеде соттауға шеешім шығарған.
«Кәмелетке толмағандардың істері жөніндегі мамандандырылған ауданаралық соттың 2024 жылғы 11 шілдедегі үкімімен Садықова кәмелетке толмағандарды азаптау және қорғаншы өкілеттігін асыра пайдаланғаны үшін кінәлі деп танылып, 4 жылға бас бостандығынан айырылды», - деп хабарлайды прокуратура.
Фото: mcatamneysolicitors.com
Байланысты жаналықтар
MalimBlocks
