Атырау облысында әйелін ұрғаны үшін сотталған Мақат ауданының бұрынғы әкімі Ринат Ибрагимовқа қатысты бірінші сатыдағы сот үкімі өзгертілді, деп хабарлайды Malim.kz.
Атырау облыстық сотының мәліметінше, сотталушы И. материалдық тәуелділікте болған адамға қатысты денсаулыққа қасақана ауырлығы орташа зиян келтіргені үшін кінәлі деп танылған. Ол ҚК-нің 107-бабы 2-бөлігінің 3-тармағы бойынша 2 жыл мерзімге бас бостандығынан шектелген. Сонымен қатар сотталушыдан 2 млн теңге моральдық зиян өтемақысы өндірілді.
«Сот алқасы іс материалдарын зерделеп, И.-дің қылмыс жасаудағы кінәсі жәбірленуші жауаптарымен, сот-дәрігерлік сараптама қортындысымен дәлелденді деген тұжырымға келді» делінген хабарламада.
Алқа «кінәлі адамға көрінеу белгілі материалдық жағынан тәуелді адамға қатысты» саралау белгісі дұрыс тағылмаған деп шешті.
Жәбірленушінің сотталғанға материалдық тәуелділігі туралы дәлел ұсынылмады.
Жәбірленушінің кәсіпкерлік қызметті жүзеге асырғаны, оның шотына ақша түскені туралы құжаттар ұсынылды. Осыған байланысты, И.-дің әрекеті ҚК-тің 107-бабының 1-бөлігіне қайта сараланды. Оған 700 айлық есептік көрсеткіш мөлшерінде айыппұл жазасы тағайындалды (2 415 000 теңге).
Фото: gov.kz/instagram.com/umbetkaliyeva_notarius
Байланысты жаналықтар
MalimBlocks
