9 ақпан күні желіде Fly Arystan әуе компаниясының қызметкері мен жолаушылардың айтысып жатқан видео тарады. Оны журналист, блогер Асхат Ниязов жариялаған болатын. 12 адам өз бортымен ұша алмай қалды, – деп жазды Ниязов желідегі жазбасында. Бұл туралы Malim.kz жазды.
Әуежайдағы келіспеушілік туралы Михаил Козачков та өз телеграм каналында жазған еді. Оның айтуынша, тасымалдаушы ұшақтағы орындардан көбірек билет сатқан. Барлық билет алған жолаушылан келгендіктен, артық 12 адам өз рейсіне кіргізілмеген. Негізі мұндай әрекетке тыйым салынған.
Козачков “Эйр Астана” ішінара мемлекет меншігінде екенін де айтты. Оның үстіне сарапшылар әуе компаниясы арзан жанармай арқылы жасырын түрде субсидияланады, яғни салық төлеушілердің ақшасы қолдауға жұмсалады деп есептейтінін айтқан.
_1739189269.png)
Аталған оқиғаға қатысты Fly Arystan әуе компаниясы түсініктеме берді.
Fly Arystan овербукингке қатысты таралған ақпарат шындыққа сәйкес келмейтінін және әуекомпания тәжірибесінде қолданылмайтынын мәлімдеді.
2025 жылғы 9 ақпанда Алматы – Павлодар бағыты бойынша FS7131 рейсінің жолаушылары жергілікті уақытпен 14:10-да отырғызу гейтіне келді, ал ұшудың жоспарланған уақыты 14:20 болатын. Алайда, әуежайдың ақпараттық тақтасында орын алған жүйелік қателік салдарынан отырғызудың аяқталғаны туралы хабарландыру көрсетілмеді, – дейді әуе компаниясы.
Fly Arystan осы ретте, рейске уақытылы келу – әр жолаушының жеке жауапкершілігі екенін еске салды.
Әуекомпания қағидаларына сәйкес, жолаушылар ұшу уақытына кемінде 30 минут қалғанда отырғызу гейтіне келуі тиіс. Бұл кезекте, отырғызу уақыты мен гейті, сондай-ақ рейс статусын FlyArystan сайты мен мобильді қосымшасы арқылы тексеруді ұсынамыз, – дейді компания.
Фото: видеодан скрин
Байланысты жаналықтар
MalimBlocks
