Өлімге әкеп соқтырған ауыр дене жарақатын келтіру қылмысына күдікті Ресейден Қазақстанға экстрадицияланды. Бұл туралы Бас прокуратура мәлімдеді.
Бас прокуратура жәбірленушінің өліміне әкеп соққан ауыр дене жарақатын келтіргені үшін Қазақстан азаматын Ресей Федерациясынан экстрадициялаған.
"Күдікті 2021 жылғы наурызда тағы да жеке тұлғаға қарсы ауыр қылмыс жасаған. Атап айтқанда, күдікті Қостанайдағы жәбірленушінің пәтерінде бірге алкогольдік ішімдік ішу кезінде жанжалдасып, жәбірленушіні бірнеше жерден жаралап, жәбірленуші қайтыс болды.
Жауаптылықтан құтылғысы келген күдікті қашып кеткен, сол себепті ол халықаралық іздеуге жарияланған", - делінген хабарламада.
Күдікті іздеуде жүргенде Ресей аумағында қарақшылық шабуыл жасап, сол үшін Ресей соты соттаған.
"Көрші мемлекетте жазасын өтегеннен кейін Қазақстан Республикасы Бас прокуратурасының сұрауы бойынша еліне экстрадицияланып, қазіргі уақытта тергеу изоляторына қамалды".
Жәбірленушінің өліміне әкеп соқтырған ауыр дене жарақатын келтіргені үшін 8 жылдан 12 жылға дейін бас бостандығынан айыру жазасы беріледі.
Фото: видеодан скрин
Байланысты жаналықтар
MalimBlocks
