Елге қайтарылған ақша есебінен Ақтауда медициналық орталық салынады

Арман Қайыпхан

  • 01.02.2025

Үкімет Ақтауда облыстық жедел медициналық жәрдем стансасының құрылысын қаржыландыруға 4,6 млрд теңге бөлді, деп хабарлайды Malim.kz.

Президенттің тапсырмасын орындау аясында қайтарылған активтер есебінен әлеуметтік маңызы бар жобаларды іске асыру мақсатында Ақтауда жылына 100 мың шақыртуға қызмет көрсетуге қауқарлы облыстық жедел және шұғыл медициналық жәрдем стансасы салынады. Бұл мақсатқа Үкімет Арнаулы мемлекеттік қордан 4,6 млрд теңге бөлді.

Ақтау қаласының 34А шағын ауданында орналасқан 2,6 гектар жер учаскесінде жоспарланған. Жедел және шұғыл медициналық жәрдем стансасының құрамына оқу-симуляциялық орталық, санитарлық көліктерге арналған жөндеу және жуу базасы енеді.

Жобаның жалпы құны 4,8 млрд теңге деп бағаланған. Оның 100 млн теңгесі жергілікті бюджеттен бөлінген. Қазіргі таңда нысанның дайындық деңгейі 10%-ды құрайды: жер қазу жұмыстары аяқталып, ішкі инженерлік желілердің құрылысы жүргізілді. Арнаулы мемлекеттік қордан бөлінген қаражат жобаны белгіленген кестеге сәйкес толық аяқтауға мүмкіндік береді.

Бүгінде Ақтауда 200 мыңға жуық адам тұрады. Аймақ бала туу көрсеткіші бойынша көш бастап тұр. Соңғы 7 жыл ішінде қалада 10 жаңа шағын аудан салынды. Жаңа жедел жәрдем стансасының құрылысы халықты қолжетімді әрі сапалы медициналық көмекпен қамтамасыз етуге мүмкіндік береді.

Қазіргі таңда Үкімет Арнаулы мемлекеттік қордан әлеуметтік маңызы бар нысандардың құрылысына шамамен 55,2 млрд теңге бөлді. Олардың қатарында 4 мектеп, оның біреуі 1 музыкалық мектеп, 2 спорт кешені, көпсалалы аурухана кешені, жатақхана және 2 балабақша бар. Сондай-ақ «Заңсыз иемденілген активтерді мемлекетке қайтару туралы» Заңға сәйкес субъектілердің қаражаты есебінен Арқалық, Астана және Алматы қалаларында бірқатар әлеуметтік инфрақұрылым нысандары салынуда.

Фото: Үкімет

Байланысты жаналықтар

81 миллион теңге: Ақтауда киіз үйге жарияланған тендер тоқтатылды

21.03.2025

Тек ақша табуды ойламай, киноның сапасына мән беру қажет – Бектенов

18.03.2025

Тоқаев бірыңғай уақыт белдеуі туралы соңғы шешімді айтты

14.03.2025

Олжас Бектенов экономиканы дамыту жөнінде кеңес өткізді

12.03.2025

Ақтаудағы ұшақ апаты: тергеу қорытындысы қашан шығатыны белгілі болды

06.03.2025

Үкімет «Бәйтерек» холдингінің капиталын 1 трлн теңгеге көбейтеді

04.03.2025
MalimBlocks
81 миллион теңге: Ақтауда киіз үйге жарияланған тендер тоқтатылды

Ақтауда қымбат бағалы киіз үйлерге жарияланған тендер тұрғындар наразылығынан кейін тоқтатылды

Тек ақша табуды ойламай, киноның сапасына мән беру қажет – Бектенов

Тоқаев бірыңғай уақыт белдеуі туралы соңғы шешімді айтты

Олжас Бектенов экономиканы дамыту жөнінде кеңес өткізді

Қаңтар-ақпан айларындағы ЖІӨ өсімі 5,4% болды

Ақтаудағы ұшақ апаты: тергеу қорытындысы қашан шығатыны белгілі болды

Үкімет «Бәйтерек» холдингінің капиталын 1 трлн теңгеге көбейтеді