Қазақстандықтарға берілетін 10 соттық тегін жер енді тек инфрақұрылым жүргізілген телімдерден ғана беріледі. Су мен жарық тартылмаған учаскеге үй салуға рұқсат жоқ, деп хабарлайды Malim.kz.
Бұрын мұндай талап болмаған. Сол себепті ел азаматтары өзі қалаған аймақтан жер алуға өтініш берген және ондай адамдардың саны 4 миллионнан асады. Енді өтініш берілген аймақта инфрақұрылым желісі жүргізілмесе, кезек жылжи береді.
Ауыл шаруашылығы министрлігінің хабарлауынша, бұрыннан кезекте тұрған азаматтарға қайтадан өтініш берудің қажеті жоқ, олардың кезегі сақталады. Тізім жергілікті атқарушы органның автоматтандырылған жұмыс орнында, есепке қойылуына қарай қалыптастырылады.
Ережеге сәйкес жер телімі өтініш арнайы есепке қойылғаннан кейін ғана беріледі. Ал арнайы есепті жергілікті атқарушы органдар жүргізеді. Егер үй салынбаса жер телімі мемлекет меншігіне қайтарылады. Бұл өзгерістер азаматтарға жер телімін әділ әрі мақсатты түрде үлестеру үшін жасалып отырғанын айта кеткен абзал.
Фото: pixabay.com
Байланысты жаналықтар
MalimBlocks
