Ауыл шаруашылығы министрлігі Өзбекстанмен шекарада шіріп кеткен мыңдаған тонна картопқа қатысты ресми мәлімдеме жасады, деп хабарлайды Malim.kz.
Ведомство мәліметінше, жүк жөнелтушілер жалпы көлемі 2,7 мың тонна картоп партиясына фитосанитариялық сертификаттарды үшінші елдерге көліктің барлық түрімен әкетуге тыйым салғанға дейін алған. Алайда, «Сарыағаш» станциясында шекарадан өту кезінде жүк жөнелтушілерге бірқатар бұзушылық, оның ішінде картоп құнының айтарлықтай төмендеуіне байланысты сұрақтар туындады.
«Құжаттарға сәйкес экспортқа сатылым, картоптың килограммына 40-50 тенгеден белгіленген. Осы себепті вагондар барлық жағдай анықталғанға дейін ұсталды.
Құжаттаманы тексергеннен кейін 42 вагон картоп Өзбекстан Республикасының аумағындағы межелі жерге жіберілді. Сондай-ақ, тексеру кезінде кәсіпкерлер тауардың бүліну қаупі төнген жағдайда картопты ішкі нарыққа бәсекелестік бағамен сатуға мүмкіндігі болды.
Айта кетейік, барлық 10 жүк жөнелтуші картоптың жай-күйіне қатысты мемлекеттік органдарға шағым түсірмеген», - делінген хабарламада.
АШМ мәліметінше, туындаған жағдайды реттеу үшін ведомствоаралық комиссияның шешіміне сәйкес 2025 жылғы 18 қаңтардан бастап Еуразиялық экономикалық одақ елдеріне әкетуді қоспағанда, Қазақстан Республикасының аумағынан көліктің барлық түрлерімен картопты әкетуге 6 ай мерзімге тыйым салынған.
Фото: istockphoto.com
Байланысты жаналықтар
MalimBlocks
