Өткен демалыс күндері Қостанай облысында ойын-сауық мекемелерінде қорқор шеккені үшін 10 адам жауапкершілікке тартылды, деп хабарлайды Malim.kz.
Қостанай мен Рудныйда полицейлер түнгі клуб пен кафеде кальян шеккен 10 заңбұзушыны анықтады.
Олардың барлығы 15 АЕК (55 мың теңге) көлемінде айыппұл арқалады. Сондай-ақ бұзушылықтар тіркелген мекемелердің үш иесіне өз мекемелерінде кальян шегуді ұйымдастырғаны үшін 20 АЕК (77 мың теңге) айыппұл салынды.
Жыл басынан бері Қостанай облысында 200-ге жуық құқықбұзушы жауапқа тартылды.
Қазақстанда оқу орындары, медициналық мекемелер, мейрамханалар, кинотеатрлар сияқты қоғамдық орындарда, сондай-ақ көлік пен вокзалдарда темекі бұйымдарын, электронды темекі мен кальян шегуге тыйым салынады.
Фото: polisia.kz
