Ақмола облысы Ақкөл қаласының тәртіп сақшылары өз ваннасында батып кете жаздаған 70 жастағы ер адамды құтқарды, деп хабарлайды Malim.kz.
Полицияға жергілікті тұрғыннан ағасының 30 қыркүйектен бастап байланысқа шықпағаны жайлы хабар келген. Әпкесі жалғыз тұратындықтан, ақмолалық оның денсаулығына алаңдағанын айтады.
Полиция қызметкерлері Абылай Дәукенов, Арай Бек және Дәмежан Серсенбаев дереу көрсетілген мекенжайға барады, сондай-ақ оқиға орнына ТЖ бөлімінің қызметкерлері келеді.
Үйге жеткен полицейлер есіктің ішінен құлыпталғанын көріп, пәтерге терезе арқылы кірген. Топ ішке кіргенде олар жуынатын бөлмеде суық судың ваннадан төгіліп жатқанын көреді. Кейін қарт кісінің құлап, кранды жұлып алып, өздігінен ваннадан шыға алмағаны белгілі болды.
Полиция мен құтқарушылардың уақытылы көмегінің арқасында қайғылы жағдай болмады. Қазір жәбірленуші ауруханаға жатқызылды.
Фото: ТЖМ
